شیدا سویڈنء زیمل فسٹیوالء فائنلا نہ رست

گدروشیا نیوز ڈسک فروری 18- سویڈنء شمالی شھر اورن شولدرسویڈنء بھتریں سوتء مقابلہء درگتا شیدا گروہء سوتا سوبینی بھر نہ بیت کہ دیمترا برؤت۔ سویڈنء سرکاری ٹلیوژنا تچکا شنگ بیتگیں اے پروگرا م صدانء ھزار مردماں چارتگ و ششصد ھزار نفرا چہ گیش ٹلفن سرا وتی ووت داتگ۔ اشی سوبا یک ملین و سیصد ھزار سویڈنی کرون (زر) ھم رستگ۔ اے زر خیراتی ادارھا دیگ بیتگ انت۔

شیصدا زیمل گروھا چار کس ھور انت۔ چہ اشاں اولریکا بودن و نیکلس روسوال نامیں دو سوئدی انت و آدگہ دوئیں کس بلوچ راجء نامداریں گشندہ رستم میرلاشاری و سریں بلوچ زیملکار واجہ عبدالرحمان سوریزئی انت۔

اشانء سوت بلوچی و سوئدی دوئیں زبانا شنگ بیتگ، اشیء سرگال "جانی منی جانانی، ندراں تئی گپانی" انت و چہ اشیء گؤشدارگا دل سیئر نہ بیت انت۔

اے سوت چیئرا داتگیں لنکا اشنگ بیت کنت، ھمشی سرا کلک کن ات۔ http://svt.se/svt/road/Classic/shared/mediacenter/index.jsp?d=64630&a=763665