پاکستانء دستء چیرء بلوچستانء مھلوک آپء تؤکا سر ترپل انت بلے پھ آھانء رکــّینگا ھچ کس نیست انت۔ شاھدانء گشگ انت کھ ھچ جاگھا سرکاری مردم گندگ نھ بیگا انت۔ تھنا جاھے کھ دولتی گندگ بیتگ انت آ تربت شھرا سرکار خلافا ظاھری پیشدارؤکانء سرا ارسی گس دؤر دیگ و ھوائی فائر کنگء وھدا بیتگ انت۔
پاکستانء بنجاھی سرکارا یوکا 14 مردمء مرگے و 24 کسء گاریء حال شنگ کتگ۔ بی بی سی اردو اے حسابا 48 نفر گشگا انت، البت دگھ جاھاں رستگیں رپورٹ اے حسابا باز گیشتر پیشدارگا انت۔
یک رپورٹے گشگا انت کھ تربتء 35 یونین کونسلاں چھ ھفت آپء چیرا انت و گیشتر دھاتانء رابطھ گوں تربت شھرا سستگ۔ نھگ کؤر انگت لھڑ انت و میرانیء ڈم سر ریچ انت۔ پرے ترسا کھ اے ڈم کجا ھم وھدی بپروشیت، اشی راھا دشتء بازیں میتگانء مردماں وتی لوگ خالیگ کتگ انت و برزیں جاھاں آسمانء چیرا گوں وتی جنین و چکــّاں شد لاپیا زند گوازینگآ انت۔
بنیادمانء بیران و درپھ در بیگا گؤں ھؤر بازیں دلوت ھم پروشتگیں باناں چیر ترتگ مرتگ انت۔ تربت شھرء پھکیں روڈ پروشت پرؤشنت۔ مکرانء پھکیں شھر و میتگاں برقء نشان ھم نیست انت۔
تربتء یک مسیتےء سرا 18 کلاک انت کھ لھتے مردم پھ وتی رکــّينگا سرکپتگ انت بلے تنے وھدی آپ جھل نھ شتگ و پھ اشانء رکینگا سرکاری مردمانء گؤرا ھلی کاپٹر نیست انت۔ اے وھدی سرکاری ھلی کاپٹر کوھلو و کاھانء نیمگآ بلوچ مھلوکء خلافا جنگا گسی انت۔
ھمے حال گوادر، پسنی و دگھ بازین ھندان انت۔ خضدارء میتگ کرخ یکیں کھولء شش کس ھارا برتگ انت۔ جھل مگسی نیمگا چھ ھم بازیں بیرانیء حال رسگآ انت۔
چھ ایرانء دستء چیرء بلوچستانء ھند سراوان ھم 10 بلوچانء بیرانیء حال ماں ایرانی حالتاکی ویب سائٹاں شنگ بیتگ۔ دگھ بازیں مھلوکء تاوانبار بیگء حال ھم ھست انت۔
پاکستانء بنجاھی سرکارا یوکا 14 مردمء مرگے و 24 کسء گاریء حال شنگ کتگ۔ بی بی سی اردو اے حسابا 48 نفر گشگا انت، البت دگھ جاھاں رستگیں رپورٹ اے حسابا باز گیشتر پیشدارگا انت۔
یک رپورٹے گشگا انت کھ تربتء 35 یونین کونسلاں چھ ھفت آپء چیرا انت و گیشتر دھاتانء رابطھ گوں تربت شھرا سستگ۔ نھگ کؤر انگت لھڑ انت و میرانیء ڈم سر ریچ انت۔ پرے ترسا کھ اے ڈم کجا ھم وھدی بپروشیت، اشی راھا دشتء بازیں میتگانء مردماں وتی لوگ خالیگ کتگ انت و برزیں جاھاں آسمانء چیرا گوں وتی جنین و چکــّاں شد لاپیا زند گوازینگآ انت۔
بنیادمانء بیران و درپھ در بیگا گؤں ھؤر بازیں دلوت ھم پروشتگیں باناں چیر ترتگ مرتگ انت۔ تربت شھرء پھکیں روڈ پروشت پرؤشنت۔ مکرانء پھکیں شھر و میتگاں برقء نشان ھم نیست انت۔
تربتء یک مسیتےء سرا 18 کلاک انت کھ لھتے مردم پھ وتی رکــّينگا سرکپتگ انت بلے تنے وھدی آپ جھل نھ شتگ و پھ اشانء رکینگا سرکاری مردمانء گؤرا ھلی کاپٹر نیست انت۔ اے وھدی سرکاری ھلی کاپٹر کوھلو و کاھانء نیمگآ بلوچ مھلوکء خلافا جنگا گسی انت۔
ھمے حال گوادر، پسنی و دگھ بازین ھندان انت۔ خضدارء میتگ کرخ یکیں کھولء شش کس ھارا برتگ انت۔ جھل مگسی نیمگا چھ ھم بازیں بیرانیء حال رسگآ انت۔
چھ ایرانء دستء چیرء بلوچستانء ھند سراوان ھم 10 بلوچانء بیرانیء حال ماں ایرانی حالتاکی ویب سائٹاں شنگ بیتگ۔ دگھ بازیں مھلوکء تاوانبار بیگء حال ھم ھست انت۔
هیچ نظری موجود نیست:
ارسال یک نظر
وتی کلوا چێرا نبیس إت