بلوچ و سندیانء گریوگ پھ وتی بندیگیں سیاسی سروک و کارکنؤکان انگت جاری انت۔ مروچی یک رندے پدا بلوچ و سندی برطانیاء وزیر اعظمء لؤگء دیما مچ بیت انت و چھ برطانیاء وزیر اعظما لوٹ اش کت کھ آ پھ بلوچ و سندی بندیگانء ویل کنگا پاکستانء فوجی سرکارء سرا زؤر پر بدنت۔ماں اے مچیا نزیک صد نفر ھؤر تنت و اشاں اواریں لؤٹ کوکار کت انت۔ اے لؤٹانء تؤکا صفدر سرکی، سلیم بلوچ، غلام محمد بلوچ و دگھ بازیں بندیگانء ویل کنگ ھؤر تنت۔ اشیا چھ بید سند و بلوچستان زندگ باتء نعرہ بار بار جنگ بیت انت۔
دگھ لؤٹ کھ نبشتھء شکلا ظاھر تنت آھانء نیاما پاکستان ملٹری بے شرم، ایم کیو ایم مافیا، پاکستان یک ٹرورسٹ ملک انت و پاکستانء کمکا بند کن؛ گندگ بیت انت۔
اواریں بلوچ و سندی سروکاں گؤں اے مچـّیا تران ھم کت۔ تران کنؤکانء تھا داکٹر لکو لھانا، میر غلامحسین بلوچ، بانک مھرنگار بلوچ، عبدالصمد بلوچ و دگھ کس ھؤر تنت۔
چدا پیسر ھم بلوچ و سندی پھ وتی نام گپتگیں بندیگاں ھمے جاھا باز برا مچ بیتگ انت و داد پریات اش کتگ بلے برطانیاء پیسری وزیراعظمء نیمگا ھچ گام چست کنگا کندگ نھ بیتگ۔
http://video.google.co.uk/videoplay?docid=-8392359941875722471&hl=en-GB ویٹیوچارگا اے لنکا برویت
بلوچی نیوز رپورٹ
هیچ نظری موجود نیست:
ارسال یک نظر
وتی کلوا چێرا نبیس إت