مغربی ھندوستانء یک نوکسیرین جنیں آدمے سرجمین جھاز نھ دیگء ڈوبھا چھ وتی لوگا درکنگ بیتگ و اے زوراکیء خلافا اے جنیں آدما وتا جاندر کتگ و میتگا ترّتگ۔آئیء سانگبند اے جنیں آدما چھ لؤگا گلـّينگء ڈوبھا دستگیر کنگ بیتگ انت و پدا ضمانت سرا ویل کنگ بیتگ انت۔
گجرات صوبھء راجکؤٹ نامین میتگء مردماں وھدیکھ اے جنیں آدم برھنگا مان دکـّان گام جنانا دیستگ ھیران مانتگ انت۔ جنینانء حقانء پانکجنیں ٹولیانء گشگ انت اشیء جیڑہ مردیں آدمانء دستا زوراکیانء آماچیں آدگھ پھکین جنیں آدمانء مشکلاں دیما کاریت۔
اے ھم حال انت کھ چھ پولیسء نیمگا سانگبندانء زوراکیانء خلافا گام چست نھ کنگء سوبا 22 سالگیں پوجا چوھان وتا ماندارگء کوشش ھم کتگ۔ آئي گشتگ کھ جھاز نھ ديگء سوبا آئيء جنگ ھم بیتگ۔
مان یک ٹلوژن گند نندیا پوجا چوھان گشتگ کھ آئی چمشکا برھنگا میتگا ترّ تگ تا آئیء لوگواجھ و سانگبند شرمندہ ببنت۔
سر ظاھرا ماں ھندوستان جھاز زیرگ و ديگ چل سال پیسر غیر قانونی کنگ بیتگ، بلے تنے وھدی اے رواج ھست انت۔ سرکاری اندازھانء ردا پورئيں جھاز نھ دیگء سوبا ھر سال نزیک ھفت ھزار جنیں آدم وتی مرد یا سانگبندانء دستا کشگ بنت۔
بی بی سی 4/7/07
هیچ نظری موجود نیست:
ارسال یک نظر
وتی کلوا چێرا نبیس إت