جمعھء شپا چاہ بھارء نزیکا دو ماشینانء ڈیک ورگء سوبا 14 کس کشگ و 14 کس ٹپّيگ بیتگنت۔ اسنا نیوز اجنسی حال شنگ کتگ۔ٹانکرء تھا تیل بیگء سوبا ڈیک ورگا چھ رند دؤئیں ماشین رسگا بن گپتگنت و 12 مسافر گؤں دوئیں ڈرائوراں جاہ پھ جاہ بیران بیتگنت۔
حسابانء ردا مان ایران ھر 20 دمانء تھا یک کسے اکسیدنٹاں کشگ بیتنت۔ اے اکسیدنٹانء سوب بے پرواھیں ڈرائور، سڑکانء خرابی و پولیسء نھ بیگنت۔ رائٹرز 29 ستمبر
دگھ جاھاں شنگ بیتگیں حالا آئل ٹانکر میاربار کشگ بیتگ۔ خلیج ٹائمء ردا گؤستگیں پنچ سالاں ایرانء تھا 100،000 مردم سڑکانء اکسیدنٹان کشگ بیتگنت۔
فارس نیوز اجنسی مرتگیں 12 کس ظاھر کتگنت و ٹییگیں مردمانء حساب پانزدہ گشتگ۔ لھتے چھ ٹپیگانء نامنت جمعھ چاکری، خیر محمد اربابی، رقیھ دھقانی، خیرمحمد جدگان، جلیل صالحی، اسماعیل کریمزادہ، مھدی کارگر، مریم حاکمی، حادی اربابی، مھدی بلوچزادہ و پیمان برزگر۔
نبیسگ بیتگ کھ بس چھ ایرانشھر دیم پھ چاہ بھار روگا بیتگ و ٹانکر آدگھ نیئمگا۔
هیچ نظری موجود نیست:
ارسال یک نظر
وتی کلوا چێرا نبیس إت