پیشگال
چیزے سالنت کھ سیاسی و دودربیدگی حقانء لؤٹؤکیں اقلیتانء سرا ایرانء سرکارء زؤراکی گیئش بیتگنت۔ ایرانء مشرق و مغربی ملکاں درملکی فوجیانء موجود بیگء سوبا اؤدء سرکار سیمسری ھنداں جاھمنندیں آذربائیجانی، کرد، عرب و بلوچانء سرا گيئشتر شکی انت۔ اے ھنداں سلاحبندیں مردم سرکارء خلافا گسی انت و اشانء نیمگا ھم لھتے جاھاں انسانانء حق ڈالچار کنگ بیتگنت۔
خاص جنداللھ یا جنبشء مقاومت مردمی ایران نامیں بلوچ سلاحبندیں ٹؤلیا چھ سال 2005 دیم پھ انگو گپـّڑے حملھ کتگنت۔ اے حملھاں بازیں سرکاری و رستگاری مردم کشگ ھم بیتگنت۔ لھتے سرکاری مردم بندیگش ھم کتگ و چھ بندیگاں لھتے اشاں کشتگنت۔ دگھ لھتے ھنچنائیں مردمان کشگء ڈوبھ کھ سرکارا اے ٹؤلیء سرا جتگنت جنداللھ نھ منــّتگ۔ اشیء جوابا سرکارا بازیں مردم شکء سرا دستگیر کتگنت، جتگ چپتگنت و چھ اشاں پھ زؤر جرم منــّائینگ بیتگنت۔ اشانء منــّگ ماں سرکاری ٹلوژن پیشش ھم داشتگنت۔ نؤکتریں قانونانء ردا انصافء رسگ انگت گرانتر بیتگ، ھمے ڈؤلا مرگء سزا گیئش ترّتگنت و اشانء سوبا گيئشتر بلوچ کشگ بیگا انت۔
امنسٹی انٹرنشنل سلاحبندیں ٹؤلیانء آ پھکیں حملھاں ایئر جنت کھ اشانء سوبا پھ زانت ھنچنائیں مردم کشگ بیتگنت۔ ھؤریا سر وتیں ھر حملھ و لگتمالیا بد منــّیتنت۔ امنسٹی انٹرنشنل اے ڈؤلیں جرم کنؤکانا دستگیر کنگ و سزا دیگء لؤٹا کنت، البت نیکھ مرگء سزا۔
امنسٹی انٹرنشنل سرکارا ھم سکین دنت کھ آ ناروائیانء دیما دارگء واستا زؤراکی مھ کنتنت۔ سرکارانء ذمھ واری انت کھ آ پھ مھلوکء حفاظتا و چھ جنگ جدلا رکـّيئنگا گامگیئج بھ زیریتنت۔ اے ردا گام چست کنگء وھدا سرکارء ذمھ واری انت کھ آ میاں استمالی قانونا لگتمال مھ کنتنت۔
یک ھنچيں وھدے کھ دنیاء دلگؤش گؤں ایرانء نیوکلیئربرنامھا انت، ایرانء سرا بندش لاگو انت و فوجی پورشء امکان ھستنت؛ بیت کنت کھ چھ جھانء دیما انسانی حقانء لگتمالیء جیئڑہ اندیم بھ ببنت۔ انسانی حقانء پانکجنؤکین یک آزادیں بنجاھے بیگء سوبا امنسٹی انٹرنشنل چؤناھیا ملکےء خلافا بندش یا فوجی یورش باروا دستمانجنی نھ کنتنت، بلے اؤدا گیئش بیتگیں انسانی حقانء لگتمالیء درگتا امنسٹی انٹرنشنل و دگھ انسانی حقانء پانکجنؤکیں بنجاھانء گامگیئج ایران سرا ھستیں میاں استمانی فکرمندیاں سوبا ایرانء خلافا ترندتریں قانون اڈ کنگء سوب جؤڑ بیت کننت۔ امنسٹی انٹرنشنلء کارنت کھ بے رو ریا سرجمیں جھانا انسانانء حقانء پانکجنیا بھ کنتنت۔ اشیء جؤر کتگیں رپورٹ لگتمالیں انساناںء حقاں پچگرگء جھدء بھرے انت۔
اے رپورٹ ایرانء تھا جاھمنندیں بلوچ اقلیتء انسانی حقانء لگتمالیء باروا انت۔ ایرانء تھا نندؤکیں احوازی عربانء باروا امنسٹی انٹرنشنل وتی رپورٹ مئی 2006 شنگ کتگ۔ ماں اے رپورٹا داتگیں بازیں ترس و دانگ دانگیں کیس امنسٹی انٹرنشنل ایرانء وزیر دفاعء سرا دسمبر 2006 دیمداتگیں کاگدا ھؤر کتگنت۔ پدا جولائی و اگست 2007 امنسٹی انٹرنشنل دگھ لھتے کیس ایرانء دیما پیش کتگنت۔ چھ اشاں تنے وھدی ھچ جواب دیگ نھ بیتگ۔ افسوزنت کھ ایران سک کم چھ امنسٹی انٹرنشنلء کاگداں جواب داتنت۔ 28 سالنت کھ ایرانا امنسٹی انٹرنشنل اؤدا روگا نھ اشتگ کھ چمّان وت جاوراں بھ چاریتنت۔
امنسٹی انٹرنشنل بلوچانء انسانی حقانء لگتمالیء تھا گیئشی سرا سک پدردنت و چھ ایرانء
سرکارا لؤٹ کنتنت کھ بلوچاں چھ لگتمالیا رکــّينگء واستا گام چست بکنت و آھانء انسانی حقاں بھ پھازیت۔ خاص لؤٹ کنت کھ سروت دستگیر کنگ، جنگ چؤپگ و بندیگاں گؤں ناروائی انگار کنگ بھ بیتنت و ذمھ واریں رستگاری و سرکاری مردماں دادگاھی بھ کنتنت تا میاربار درگيئجگ و سزا دیگ بھ بنتنت۔ مرگء سزا دیگ ھم انگار کنگ بھ بیتنت۔ ھمے ڈؤلا آ باید بلوچستانء تھا وتی رستگاری گامگيجاں دوارچاری بکننت تا بلوچ ھنداں انسانی حقانء لگتمالی و قانونء ردا بلوچانء خلافا فرق گزاری کـٹـّينگ بھ بیتنت۔ اے ھم ضروری انت کھ جنین آدمانء سرا ناروائیانء دیما دارگء واستا گام چست کنگ بھ بیتنت۔ جنک و جنیں آدمانء سوداگری بند کنگ و پھ آھاں وانگ زانگء در پچتر کنگ بھ بنتنت۔ امنسٹی انٹرنشنل چھ جنداللھ ھم لؤٹ کنتنت کھ آ وتا چھ انسانی حقانء ڈالچاریا گستا بداریتنت۔ بے حساب کتابیں یورش، مردم بندیگ کنگ و بندیگانء گشگا چھ ھم دستاں بھ کشـّيتنت۔
جاری انت۔ ۔ ۔ ۔ ۔
خاص جنداللھ یا جنبشء مقاومت مردمی ایران نامیں بلوچ سلاحبندیں ٹؤلیا چھ سال 2005 دیم پھ انگو گپـّڑے حملھ کتگنت۔ اے حملھاں بازیں سرکاری و رستگاری مردم کشگ ھم بیتگنت۔ لھتے سرکاری مردم بندیگش ھم کتگ و چھ بندیگاں لھتے اشاں کشتگنت۔ دگھ لھتے ھنچنائیں مردمان کشگء ڈوبھ کھ سرکارا اے ٹؤلیء سرا جتگنت جنداللھ نھ منــّتگ۔ اشیء جوابا سرکارا بازیں مردم شکء سرا دستگیر کتگنت، جتگ چپتگنت و چھ اشاں پھ زؤر جرم منــّائینگ بیتگنت۔ اشانء منــّگ ماں سرکاری ٹلوژن پیشش ھم داشتگنت۔ نؤکتریں قانونانء ردا انصافء رسگ انگت گرانتر بیتگ، ھمے ڈؤلا مرگء سزا گیئش ترّتگنت و اشانء سوبا گيئشتر بلوچ کشگ بیگا انت۔امنسٹی انٹرنشنل سلاحبندیں ٹؤلیانء آ پھکیں حملھاں ایئر جنت کھ اشانء سوبا پھ زانت ھنچنائیں مردم کشگ بیتگنت۔ ھؤریا سر وتیں ھر حملھ و لگتمالیا بد منــّیتنت۔ امنسٹی انٹرنشنل اے ڈؤلیں جرم کنؤکانا دستگیر کنگ و سزا دیگء لؤٹا کنت، البت نیکھ مرگء سزا۔
امنسٹی انٹرنشنل سرکارا ھم سکین دنت کھ آ ناروائیانء دیما دارگء واستا زؤراکی مھ کنتنت۔ سرکارانء ذمھ واری انت کھ آ پھ مھلوکء حفاظتا و چھ جنگ جدلا رکـّيئنگا گامگیئج بھ زیریتنت۔ اے ردا گام چست کنگء وھدا سرکارء ذمھ واری انت کھ آ میاں استمالی قانونا لگتمال مھ کنتنت۔
یک ھنچيں وھدے کھ دنیاء دلگؤش گؤں ایرانء نیوکلیئربرنامھا انت، ایرانء سرا بندش لاگو انت و فوجی پورشء امکان ھستنت؛ بیت کنت کھ چھ جھانء دیما انسانی حقانء لگتمالیء جیئڑہ اندیم بھ ببنت۔ انسانی حقانء پانکجنؤکین یک آزادیں بنجاھے بیگء سوبا امنسٹی انٹرنشنل چؤناھیا ملکےء خلافا بندش یا فوجی یورش باروا دستمانجنی نھ کنتنت، بلے اؤدا گیئش بیتگیں انسانی حقانء لگتمالیء درگتا امنسٹی انٹرنشنل و دگھ انسانی حقانء پانکجنؤکیں بنجاھانء گامگیئج ایران سرا ھستیں میاں استمانی فکرمندیاں سوبا ایرانء خلافا ترندتریں قانون اڈ کنگء سوب جؤڑ بیت کننت۔ امنسٹی انٹرنشنلء کارنت کھ بے رو ریا سرجمیں جھانا انسانانء حقانء پانکجنیا بھ کنتنت۔ اشیء جؤر کتگیں رپورٹ لگتمالیں انساناںء حقاں پچگرگء جھدء بھرے انت۔
اے رپورٹ ایرانء تھا جاھمنندیں بلوچ اقلیتء انسانی حقانء لگتمالیء باروا انت۔ ایرانء تھا نندؤکیں احوازی عربانء باروا امنسٹی انٹرنشنل وتی رپورٹ مئی 2006 شنگ کتگ۔ ماں اے رپورٹا داتگیں بازیں ترس و دانگ دانگیں کیس امنسٹی انٹرنشنل ایرانء وزیر دفاعء سرا دسمبر 2006 دیمداتگیں کاگدا ھؤر کتگنت۔ پدا جولائی و اگست 2007 امنسٹی انٹرنشنل دگھ لھتے کیس ایرانء دیما پیش کتگنت۔ چھ اشاں تنے وھدی ھچ جواب دیگ نھ بیتگ۔ افسوزنت کھ ایران سک کم چھ امنسٹی انٹرنشنلء کاگداں جواب داتنت۔ 28 سالنت کھ ایرانا امنسٹی انٹرنشنل اؤدا روگا نھ اشتگ کھ چمّان وت جاوراں بھ چاریتنت۔
امنسٹی انٹرنشنل بلوچانء انسانی حقانء لگتمالیء تھا گیئشی سرا سک پدردنت و چھ ایرانء
سرکارا لؤٹ کنتنت کھ بلوچاں چھ لگتمالیا رکــّينگء واستا گام چست بکنت و آھانء انسانی حقاں بھ پھازیت۔ خاص لؤٹ کنت کھ سروت دستگیر کنگ، جنگ چؤپگ و بندیگاں گؤں ناروائی انگار کنگ بھ بیتنت و ذمھ واریں رستگاری و سرکاری مردماں دادگاھی بھ کنتنت تا میاربار درگيئجگ و سزا دیگ بھ بنتنت۔ مرگء سزا دیگ ھم انگار کنگ بھ بیتنت۔ ھمے ڈؤلا آ باید بلوچستانء تھا وتی رستگاری گامگيجاں دوارچاری بکننت تا بلوچ ھنداں انسانی حقانء لگتمالی و قانونء ردا بلوچانء خلافا فرق گزاری کـٹـّينگ بھ بیتنت۔ اے ھم ضروری انت کھ جنین آدمانء سرا ناروائیانء دیما دارگء واستا گام چست کنگ بھ بیتنت۔ جنک و جنیں آدمانء سوداگری بند کنگ و پھ آھاں وانگ زانگء در پچتر کنگ بھ بنتنت۔ امنسٹی انٹرنشنل چھ جنداللھ ھم لؤٹ کنتنت کھ آ وتا چھ انسانی حقانء ڈالچاریا گستا بداریتنت۔ بے حساب کتابیں یورش، مردم بندیگ کنگ و بندیگانء گشگا چھ ھم دستاں بھ کشـّيتنت۔جاری انت۔ ۔ ۔ ۔ ۔
هیچ نظری موجود نیست:
ارسال یک نظر
وتی کلوا چێرا نبیس إت