بلوچ نشنل موومنٹء بنجاھی صدر واجھ غلام محمد بلوچ گشتگ کھ گؤں جنگ و بندیگ کنگا آ چھ بلوچ راجء حقانء لؤٹگا دستبردار نھ بیتنت۔ آئی آ پھکیں مردمانء منــّت گپتگنت کھ پھ آئيء و دگھ سیاسی بندیگانء ویل کنائينگا جھد کتگ۔ اے گپ آئی مان خضدار پولیس بنجاھا ماں یک گؤنڈیں گداریا گؤں حالکاراں جتگنت۔غلام محمد و شیر محمد بلوچ گشتگ کھ چھ دستگیر کنگا رند تا 41 روچ آ ماں کراچی چیئر زمینء کؤٹیاں بندیگ و لٹ کٹ کنگ بیتگنت۔ 19 روچ گؤں منیر مینگل یکجاہ کنگ بیتگنت۔ پدا فروریء ماھا سبی کینٹء بندیگجاھا دؤر دیگ بیتگنت۔ گڈسرا 20 ستمبر07 سرکاری چاریگیاں آ سبی پولیسء دستا داتگنت۔
آئی گشتگ؛ مئے اؤپار بازنت۔ سرکارگؤں جنگ چؤپگ مارا چھ وتی راجء حقیں لؤٹاں پد کنزینت نھ کنت۔
آساپ 23 ستمبر، 07
هیچ نظری موجود نیست:
ارسال یک نظر
وتی کلوا چێرا نبیس إت