سمندر آسکانیء گپ تران گؤں واجھ غلام محمد و واجھ شیرمحمد

سمندرآسکانی: عزتمندیں گؤشدارؤکاں مروچی 23 ستمبرنت، من سمندر آسکانی چھ راڈیو گوانکء نیمگا شمارا وش آتک گشاں۔ ھنچؤکھ شما سرپدت جمھوری وطن پارٹیء واجھ شیرمحمد بلوچ و بلوچ نشنل موومنٹء واجھ غلام محمد بلوچ بازیں مدتیا پیئسر بیگؤاہ کنگ بیتگ تنت؛ پیئری آ سبی پولیس بنجاھا ظاھر کنگ بیتگنت و نیں تربتا آرگ بیتگنت۔ تربتء پولیس بنجاھا من گؤں واجھ غلام محمد آنلائناں۔

واجھ غلام محمد من شمارا وش آتک گشاں، شما چؤنت واجھ؟

غلام محمد: من واجھ چؤں خیراں، مئے جند جؤانیا سلامت نھ انت، چیاکھ ایجنسیانء دستا بازیں ایزا دیگ بیتگنت، مارا باز ٹارچرش کتگ و ھمشنت مرچی تربتا سر کنگ بیتگنت۔

سمندر آسکانی: دراجیں مدتے انت کھ مھلوک ادا سک پریشان بیتگنت، ظاھری اش پیش داشتگ، احتجاجش کتگ و تئيگ و آدگھ سنگتانء خاطرا گرگ و بندیگ کنگ بیتگنت۔ واجھ من لؤٹاں شما بگشت کھ شما کجا کجا ھنداں دارگ بیتگت؟

غلام محمد: ما لیاریا (گؤستگیں سالا) یک جلسھ ئے کتگت۔ بلوچستانء سرا فوجی آپریشنے و بلوچستانء سرا قبضھ گنکء خلافا؛ اے دؤرانا چاریگی بنجاھاں یورش آرت و منا و شیرمحمدا دستگیرش کت۔ مار برتش کراچی تھا وتی چیئریں ٹارچرگاھاں ماھے و پانزدہ رؤچ ھمؤدا داشتش۔ تا شش رؤچا اشاں مارا وڑ وڑیں ٹارچر کتگ۔ مارا وابا ھم نھ اشتگ؛ ھچ سھولتش مارا نھ داتگ، نانا چھ بگر تا (؟) ما زبھر بیتگنت۔ اشیا چھ بید مارا 13 جنوری کشـّت و سبی برتش۔ سبی بلکيں دنیاء گرمتریں ھندنت۔ 13 جنوری تا 20 ستمبرا اشاں مارا فوجی ٹارچر سلےء تھا بند کتگ۔ اے سلء تھا ما سرجمیا 18 بلوچ بیتگنت؛ آدگھ مری و بگٹی بیتگنت۔ یک دگھ بھریا 26 کس بیتگنت کھ آھانء تھا یک میر نوازعلی نامیں بلوچ بچّے گؤں وتی 80 سالی پيریں پیریں پتا بندیگ بیتگ کھ اشیء سرا ما پھکیں بلوچ پھ درد بیتگنت۔ اے مئے حال بیتگ۔
20 ستمبرء شپء نیما مارا ایجنسیانء مردماں چھ وابا پاد کتگ و برتگ پولیسء دستا داتگ۔ اشاں پولیسء سرا زؤر پرداتگ کھ اشانء سرا کیس بجن۔ بلے پولیسا انگار کتگ و گشتگ کھ ما اشانء سرا دروغیں کیس جت نھ کننت۔ سبی پولیسا مارا خضدارء پولیسء دستا داتگ و خضدار پولیسا مارا تربت آرتگ و ھمشنت مرچی ما ادا سر بیتگنت۔
سمندر آسکانی: جی واجھ۔ من اشکتگ کھ منیر مینگل ھم گؤں شما ھمراہ بیتگ، شما اے باروا کمّے بگشت!۔

غلام محمد: چھ ھما اولی جاگھا کھ مار داشتگتش 24 دسمبرا مارا دگھ جاگھے برتش۔ گڑا ھمودا منی گؤشاں آوازے گپت؛ سرا جنگء سوبا منی پؤزا خون رچگا ات، سر، گردن و پاد درد گنگا تنت و چم نرور ترّتگ تنت من الکاپیا دیست نھ کت۔ ھمے توار کھ منی گؤشاں کپت من جست کت تو کے اے، منا گشتی کھ من منیراں۔ من گڑا دست گپتنت و جؤڑی و دراھی کتگ۔ مئے گندگ بس جؤڑی و دراھیا تک بیت۔

سمندر آسکانی: واجھ ما باز وشنت کھ شما دیما آرگ بیتگنت۔ بلوچ راج و مھلوک سک غمیگ بیتگنت و وتی نا رضائی جلسھ، ظاھری، سیمینار، شدکشی درؤشما پیش داشتگنت۔ جنیں آدم ھمکؤپگ بیتگنت۔
شمئے کلھ پھ بلوچ راجا چے انت؟

غلام محمد: من لؤٹاں بگشاں کھ بلوچ آجوئیء جھدء ھر کسے کھ گرگ و ٹارچر سلانء تھا جنگ و گشگ اگر بھ بیتنت چھ اشیء سوبا بلوچء راجی جھد نھ اؤشتیتنت۔ اشانء سوبا بلوچ جھدا تیزی آتکگ، بلوچء جؤش گیشتر بیتگ و جزبھ زندگتر بیگا انت۔ وطنء باروا سرپدی گيئشتر رسگا انت۔
ادا پاکستانا، افغانستانا یا مغربی بلوچستانا یا درملکاں؛ آؤدا پورپء تھا بلوچ نشتگنت و امریکاء تھا اے کلّیں بلوچاں احتجاج کتگ، (زؤراکی) ایئر جتگنت؛ پاکستانی فوجء بلوچ دشمنیء خلافا؛ بلوچانء گشگ، فوجی آپریشن، دزّگ و بلوچاں ایزا دیگء خلافا بلوچانء اے کارپداں پاکستانی فوج، پاکستانی چاریگ، پاکستانی اسٹیٹ پرؤش داتگ۔ آھاں تؤکا بے ھمتی آتکگ۔
اے احتجاج، کوکار و صلواتاں دنیاء سرپد کتگ کھ بلوچ وتی راجی حقانء واستا جھد کنگا انت۔

سمندر آسکانی: ھنچؤکھ شما سرپدت جمھوری وطن پارٹیء واجھ شیر محمد گؤں واجھ غلام محمد ھؤر بیتگ و ھنی ماں تربتا انت۔ نیں من گؤں آئی گپ کناں۔
وش آتک گشاں شمارا، واجھ شیر محمد شما چؤنت؟

شیر محمد: مھربانی۔ شما سنگتانء منتواراں۔ شما ڈڈ و وش باتت۔ شما سنگتانء جدوجھد، شمئے قربانیاں و بلوچ راجء و مئے مات گھارانء (کوشستانء) بروردنت کھ مروچی سرکار پھ مئے دیما آرگآ مجبور بیتگ ۔۔۔۔۔ توار شر نھ انت ۔۔۔۔۔

سمندر آسکانی: واجھ شمارا پھ وتی مھلوکا چے کلھ ھستنت؟

شیرمحمد: مئے کلھ ھمشنت کھ مئے حوصلھ بزر بیتگنت، وتی حوصلھاں جھل مھ کنت، وتی جھدا دیما براں کنت۔ بید چھ قربانی دیگا ھچ کسا وتی حق نھ رستگ۔ مئے قربانی ھنچنائینے بیتگ؛ مئے فرض بیتگ۔

سمندر آسکانی: جی واجھ شمئے منت و بلوچستان سبز بات۔

گپ و تران جھ 'بلوچء توار' و عکس جھ 'بلوچ رونا' ویبسائٹاں زرتگنت۔