راجدوستانء رھشون مزاحمتی فکرء واھوند نت؛ بی اس او-آزاد

بلوچ وانؤکانء گل –بی اس او- آزادء بالیچھء یونٹ سکریٹری حوا بلوچ، دستچييئری یونٹ سکریٹری روزگل بلوچ، یونٹ کمیٹیء باسک فاطمھ بلوچ، جان بی بی بلوچ، بانڑی بلوچ، شھناز بلوچ، فائزہ بلوچ و زیور بلوچ وتی یک ھؤریں حالتاکی ترانیا گشتگ کھ دیناء ھر کنڈا جاہ منندیں بلوچ راجی زرمبشء باسکے انت۔ آھانء دل گؤں سرمچارانء دلاں ھؤرنت۔

شھید اعظم نواب اکبر شھباز بگٹی، شھید داکٹر خالد بلوچ، داکٹر اللھ نظر بلوچ، براھمدگ بگٹی بلوچ، میر بالاچ مری بلوچ، کماندار بشام بلوچ، کرنل دؤدا بلوچ، کرنل آزاد بلوچ، کمانداربیبگر بلوچ و بلوچ سیاسی جھدکار واجھ نواب خیربخش مری، کامریڈ بشیر زیب بلوچ و میرغلام محمد بلوچ راجی رھشوننت۔

اشانء مزاحمتی فلسفھ پھ راجدؤستیں بلوچاں راہ شؤن دیوکیں کنڈیلنت۔ بلوچ اشانء فلسفھ سرا دیما روان بنت و وتی آزادیء جنگا تا گڈسرا مڑان بنت۔
اشاں چھ اقوام متحدہ، یورپی یونین و دگھ میان استمانی ھؤربنداں دستبندی کتگ کھ میان استمانی رھبندانء برخلاف پاکستانء بندیگیں 4000 بلوچ جھدکارانء رکـّینگا و بلوچستانء جیڑہء دائمی حلــّےء درگیئجگا گام چست بھ کننت۔ آساپ/گدروشیھ