ما بلوچی بتل اشکتگ کھ ھیک وتی ھؤنڈء دپء ککا نھ وارت، بلے پلنگء باروا چشیں بتل نھ بیتگ۔ البت بلوچستانء لھتے ورنا پھ بینگےء گرگا ماں سربازء کؤھاں یک ھؤنڈیا پترگء کؤشستا بیتگنت کھ اناگتا چھ ھؤنڈا پلنگے درزبرّتگ و چھ ورناھاں یکےء سرا حملھ کتگ۔ چرے حالء وانگا رند مردم گشت کنت کھ 'پلنگ وتی ھؤنڈء دپء بینگا نھ وت وارت، نھ دگرا کلــّيت'۔فارس نیوز شنگ بیتگیں حال گشیت کھ کشکورء جاہ منندیں عبدالغفوربلوچ نامیں اے ورنا آئیء ھمراھانء جاک و صلواتاں چھ پلنگا رکـّيتگ، البت چھ تچگا پیئسر پلنگا اے ورناء کؤپگ، دست ودیئم ٹپـّيگ کتگنت۔ ورنا پھ دوا درمان پھرہء نادراہ جاھا واپینگ بیتگ۔
سربازء کوہ بلوچستانء برزتریں کوہ حساب بنت و بازیں شم و گریئشگ ھنچؤ درنگنت کھ تنے وھدی اؤدا بنیادمء پاد نھ کپتگ۔ ماں اے کؤھاں اوارین جانور چؤکھ پلنگ، مم و آسک گندگ بیت کننت۔
هیچ نظری موجود نیست:
ارسال یک نظر
وتی کلوا چێرا نبیس إت