بلوچستانء وانؤکاں چھ ایران سرکارا لؤٹ کتگ کھ بے میار بندیگیں بلوچ جھدکار واجھ یعقوب مھرنھادا آزاد بکنت۔یعقوب مھرنھاد انجمن صدای عدالت، بزان انصاف لؤٹؤکین جوانانء انجمن سرؤکنت و مدتے انت کھ ایرانا بندیگ کتگ۔ واجھ مھرنھاد ماں بلوچستانا مھلوکء بنی جقانء پانکجنی کتگ و کاردز، ٹگ و لب واریں سرکاری واکانء خلافا پر امنیں جھدےء دیما برگا بیتگ۔
وانندھانء بیانا نبیستگ؛ یعقوب مھرنھادء دستگیر و بندیگی ملکء قانونء بند 26 و 27 ء ردا قانونی نھ انت۔ اے بند مردماں انجمن سازیء اجازتا دنت۔ ھمے ڈؤلا دراجیں وھدیا اے واجھء بندیگی قانونء بند 32ء خلافا انت و بند 38ء ردا مھرنھادا ٹارچر کنگ جرمے انت کھ سرکاری واک کنگا انت
وانندھاں گشتگ کھ ھر جرمیا کھ مھرنھاد دادگاھی بھ بیت ما پھک آ جرما شریدارنت۔
پھ بلوچستانء مھلوکء حقاں یعقوب مھرنھادء ایمنیں جھد چھ تفنگء تیرا گندہ تر سرکاری واکانء دلا سونبگا ات۔ 27 اپریل 2007 دستگیر کتگیں اے واجھ تنے وھدی بندیگنت و ھچ دادگاھی ھم نھ بیتگ۔
هیچ نظری موجود نیست:
ارسال یک نظر
وتی کلوا چێرا نبیس إت