بلوچستان نشنل پارٹی- مینگلء ھداروکی صدر داکٹر جھانزیب پاکستان پیپلزپارٹی و سرکارء نیاما تپاکی سک ایرجتگ و گشتگ کھ اے اتحادء ردا لاگو کتگیں قانون تاریخء تاکدیماں سیاھیں ٹکــّے انت۔آئي پیپلز پارٹیء سروک ایرجتگنت و گشتگ کھ جمھوری رواجء مھرتر کنگء اشاں ھچ واھگ نیستنت۔ اشاں وتی میلینانء حسابا دزّتگیں ڈالراں قانونی کنگ، دز و ھول کنؤک و یک انسان کشیں اقلیتی ٹولیء رکـّينگا واستا اے پندل سازتگنت۔
یک نیئمگے سردار اختر مینگل و دگھ ھزارانء بلوچ پھ وتی حقانء واستا گپ جنگء سوبا بندیگ و دادگاھی بیگا انت و دومی نیئمگا دز، ٹگ و مردم کشاں قانونی رکـّينگ پھ دردیں گپے انت۔
البت پیپلزپارٹی بلوچستانء صدر نواب اسلم رئيسانی آئی شاباشی داتگ و گشتگ کھ بلوچستانء سرا بیتگیں زؤراکیانء خلافا نواب صاحبا عملی کار کتگ۔ توار 8 اکتوبر
هیچ نظری موجود نیست:
ارسال یک نظر
وتی کلوا چێرا نبیس إت