تحریک انصافء عمران خانء شد کشی مان بندیگجاہءَ

پاکستان تحریک انصافء چیرمن عمران خان ماں ڈیرہ غازی خان بندیگجاہ شد کشـّي بندات کتگ۔ آئی پاکستانء تھا امرجنسیء خلافا ماں پنجاب یونیورسٹی شتگت کہ گوں وانؤکان تران بکنت، بلے یکے چہ وانؤکانء ٹولیان کہ جماعت اسلامیء منـّوکنت؛ عمران خان پہ زؤر گپتگ و یک کوٹیے تھا تا لھتے کلاک بندیگ کتگ۔ پدا پولیسء دستءَ داتگش۔

چرے کپتءَ رند عمران خانء وانندہ منّؤکان ھر رؤچ جماعت اسلامیء منّؤکانء خلافا ظاھری دیگا انت۔ بازین مردم ھمے باور کنگا انت کہ پنجابء وانؤکانء نیاما عمران خانء نامدار بیگ پہ اسلامی جمعیت طلباء ولگوج کنگا بودیگين گامے انت۔

.

جماعت اسلامی یک بنیادپرستین اسلامی گلے زانگ بیتنت و اشیء باسک گیئشتر چہ ھندوستان آتکگین مھاجرنت۔ اے گلء باسک باز نہ انت، بلے ھر جاہ کہ اسلام ھستنت اے اودا ھستنت و گؤن یکا دگر چوکہ مؤکوء کودوگء پر لچتگنت۔ باز کسانء ھمے خیالنت کہ پاکستانءَ جاھے کہ ام کیو ام کار کت نہ کنت اے اؤدا ام کیو امء فکرا دیما برنت۔

.

ھمے ھنؤگان اشانء بنگلہ دیشی بھرء سرا بندش جنگ بیتگت، چیاکہ آ بنگلہ دیشء آزادیء خلافا بیتگنت و اؤدا بنگلایانء سرا بیتگین پاکستانی فوجء زؤراکیان چہ منکر بیتگنت۔

وتی شد کشی بندات کنگء درگتا عمران خان چہ بندیگ جاہءَ کلہ دیم داتگ کہ تنا وھدی چہ کارءَ درکتگین قاضی پدا وتی جاگھان دارگ نہ بنت آ وتی شد کشیءَ انگار نہ کنت؛ تورین بلّی چہ اشیء سوبا آ بیران بہ بیتنت۔

بلوچی نیوز رپورٹ؛ عکس چہ آساپ انلائن