پہ بلوچستانء آزادیءَ سلاحبندین جنگ کنوکانء سرین سرمچار میر بالاچ مریء پاکستانی فوجء دستءَ شھید بیگء خلافا سرجمین مشرقی بلوچستانءَ آس روک انت۔ لوگانء سرا سیاھیں بیرگ ٹال انت وھر نیمگا وتی ٹلـّین راجی آجوئیء جھدکارء روگا زال بولان یا جنین چؤریگانء گریوگژ انت۔
حالانء ردا بلوچستانء پھکین مزنین شھران پہ سرکارء تھرؤز کنگا کاربار بند انت، ورنا و کماش سڑکانء سرا ظاھری دیگا انت و سرکارء خلافا وڑ وڑین کوکار جنگا انت۔ سرجمین تعلیمی بنجاہ بند انت۔ چکـّاسان وانوک بھر نہ زیرگا انت۔ سرکار و سرکارپرستانء کاربار و بنجاہ پروشگ و سوچگ بیگا انت۔
بی بی سی ء حالء ردا تنے وھدی پنچ کسانء کشگ بیگء حال انت کہ چہ اشان سرکاری چاریگانء یک انسپکٹرے و دو آئي ھم دیوان یکجاہ کوئٹہءَ کشگ بیتگنت۔ آ دگہ دوئین پولیس ھم کوئٹہء سٹلائٹ ٹاؤنءَ نامعلومین مردمانء تیرانء آماچ بیتگنت۔
بلوچستانء شھر گوادر، تربت، پسنی، پنجگور، حضدار، نوشکی، سبی، حب و دگہ جاھاں ھم تھرؤزیءَ کاربارانء سرجمیا بند بیگء حال انت۔ بی ان ام و بی اس او–آزادء بازین باسک گرگ بیتگنت و آدگرانء دستگیر کنگا سلاحبندین رستگاری مردم آھانء لوگ و بنجاھان سرا یورش برگا انت۔
بلوچستانء شھر گوادر، تربت، پسنی، پنجگور، حضدار، نوشکی، سبی، حب و دگہ جاھاں ھم تھرؤزیءَ کاربارانء سرجمیا بند بیگء حال انت۔ بی ان ام و بی اس او–آزادء بازین باسک گرگ بیتگنت و آدگرانء دستگیر کنگا سلاحبندین رستگاری مردم آھانء لوگ و بنجاھان سرا یورش برگا انت۔
جمھوری وطن پارٹیء گوانکوءَ سے روچء سوگ دارگء جار پرینتگ۔ بازین جاھان لوگانء سرا سیاھین بیرک ٹال کندگ بیگا انت و کراچیء بلوچ میتگان ھم پولیس و سرکاری بنجاھانء سرا بلوچ ورنا سنگانء دِرَد گوارینگا انت۔ چہ اشیء سوبا بازین راہ و کاربار بند انت۔ ادا ھم گپڑے ورناھانء دستگیر بیگء حال انت۔
.
بلوچستانء سیاسی گلانء درملکی بنجاھان چہ شنگ بیتگین حالتاکی ترانان میربالاچ مریء تاوان بیگا پدردی درشان کنگ بیتگ۔
گریٹر بلوچستان لبریشن آرگنائزیشنءَ بلوچ راج دلجمی داتگ کہ آ ملکء آجوئيء جھدا وتی گامان تیز تر کننت۔ اے ترانءَ بلوچ سروکان کشگء و بلوچ راجءَ بے سروک کنگء پاکستانی پندلان نام گرگ بیتگ، و چہ بلوچ جھدکاران وتی لیڈران رکـّينگء دستبندی کتگ۔
گریٹر بلوچستان لبریشن آرگنائزیشنءَ بلوچ راج دلجمی داتگ کہ آ ملکء آجوئيء جھدا وتی گامان تیز تر کننت۔ اے ترانءَ بلوچ سروکان کشگء و بلوچ راجءَ بے سروک کنگء پاکستانی پندلان نام گرگ بیتگ، و چہ بلوچ جھدکاران وتی لیڈران رکـّينگء دستبندی کتگ۔
.
بلوچستان نشنل موومنٹ –ایرانءَ وتی شنگ کتگین ترانءَ گشتگ کہ میر بالاچء شھید بیگ پہ بلوچستانء آجوئیء جھدءَ مزنین تاوانے انت۔ البت پاکستانء واکدار باید بہ زاننت کہ تناوھدی بلوچ ھست انت، سرمچارین بالاچ پہ بلوچستانءَ وتی سران ندر کنگا سرکشـّان بنت۔
.
انجمن اتحاد مریء شنگ بیتگین بیانءَ گشگ بیتگ کہ بالاچ مری گؤن وتی خونءَ بلوچستانء جھدء کاروانء راہ روشنتر کت۔ بی اس او-ان اے وتی بیانےءَ پاکستانی سرکار ایر جتگ و میر بالاچء کرد ستا داتگ۔
سردار عطاءاللھ مینگل وتی بیانءَ گشتگ کہ میر بالاچ شھادت پہ بلوچستانءَ نوکین قصھے نہ انت۔ چدا پیسر ھم بازی سر اے راہءَ ندر بیتگنت۔ ھنچین قربانی راجانء نامءَ زندگ دارنت۔
نشنل پارٹیء ڈاکٹر حئی گشتگ کہ نواب بگٹیء شھادتءَ چہ رند میر بالاچ روگ مزنترین کپتے انت۔ آئي بلوچستان سرا پاکستانی واکانء زؤراکی ایر جتگنت و گشتگ کہ بالاچ مریء خالیگین جاگہءَ پرکنگ سک مشکل انت۔
بلوچ نشنل موومنٹء میر غلام محمد بلوچ گشتگ کہ میر بالاچ مری وتی فرض ادا کت و بلوچء سر چہ پھرءَ برز کت۔ آئی گيئش کتگ و گشتگ؛ نواب بگٹیء شھید کنگا چہ رند زؤراکین پاکستانء دومی کپتگین کار میر بالاچء جنگنت۔
سردار عطاءاللھ مینگل وتی بیانءَ گشتگ کہ میر بالاچ شھادت پہ بلوچستانءَ نوکین قصھے نہ انت۔ چدا پیسر ھم بازی سر اے راہءَ ندر بیتگنت۔ ھنچین قربانی راجانء نامءَ زندگ دارنت۔
نشنل پارٹیء ڈاکٹر حئی گشتگ کہ نواب بگٹیء شھادتءَ چہ رند میر بالاچ روگ مزنترین کپتے انت۔ آئي بلوچستان سرا پاکستانی واکانء زؤراکی ایر جتگنت و گشتگ کہ بالاچ مریء خالیگین جاگہءَ پرکنگ سک مشکل انت۔
بلوچ نشنل موومنٹء میر غلام محمد بلوچ گشتگ کہ میر بالاچ مری وتی فرض ادا کت و بلوچء سر چہ پھرءَ برز کت۔ آئی گيئش کتگ و گشتگ؛ نواب بگٹیء شھید کنگا چہ رند زؤراکین پاکستانء دومی کپتگین کار میر بالاچء جنگنت۔
اے بلوچی نیوز رپورٹ چہ بی بی سی، انتخاب، توار، آساپ و دگہ جاھان سرجم کتگ
هیچ نظری موجود نیست:
ارسال یک نظر
وتی کلوا چێرا نبیس إت