بلوچ سرمچارمیربالاچ مریء
شھادتء حالء
شنگ بیگء
دومی روچءَ
ھم بلوچستانء
مھلـــــــوکء
تھــــــروزی
کـــــاربندی
و ظاھـــری
انگت انت۔
.
.
اے ردا بازین جاھان راھگؤزین ماشینانء سرا ظاھری دیوکان سنگ جتگ و راہ پہ روگ آيگ بند کتگنت۔ دگہ بازین سرکاری ونیم سرکاری بنجاھان پروشگ یا ماندارگء حال انت۔
پاکستانء پولیسءَ چہ کوئٹہ دگہ 15 وانوک دستگیر کتگنت۔ تنپءَ بی اس او –آزاد و بی ان امء جنین باسکان ظاھری داتگ۔ اشانء سرا پولیسءَ ارس ریچی گس دورداتگ و شنگ شانگ کتگنت۔ چہ اؤدا ھم دو وانوک دستگیر بیتگنت۔ حب شھرءَ دو بمبتراکانء تواراشکنگ بیتگنت کہ چہ اشان رند سرجمین شھر تھاریء آماچ بیتگ۔
بالاچ مریء شھید بیگء جاگہ و جاورانء سرا وڑ وڑین حال شنگ بیگا انت۔ البت یک حالے پدّرا انت کہ آئي لاش سرمچارانء وتی دستا انت و آئیء ھداروکی افغانستانء کل کنگء پروگرام انت۔ یک حالےء ردا بالاچء برات جھدا انت کہ لاش دبئي برگ و ھمودا ھداروکی کل کنگ بہ بیت۔
بازین حالانء چارگا یک حبرے ھرجاہ یک وڑا انت کہ میر بالاچ مری نوشکیء ھند سرلٹ یا سرلچ جنگ بیتگ۔ اے ردا ایرانء سرکاری حالرسینوکین بنجاہ 'ارنا' نبیستگ کہ سرلٹءَ ٹپـّيگ بیگا چہ رند میر بالاچ افغانستانء صوبہ ھلمندء یک نادراہ جاھیا پہ علاجءَ واپینگ بیتگ و آ ھمودا بیران بیتگ۔
ترانگ بہ کپت کہ گوستگین ماہء گڈسرا بلوچ سرمچار مان نوشکی گون پاکستانء فوجءَ مڑتگ تنت۔ اے جنگا پاکستانءَ جنگی گراب ھم کار بستگ تنت۔ گيئشتر ھمے خیال ظاھر بیگا انت کہ میر بالاچ ھمودا ٹپـّيگ بیتگ، بلے سرمچاران اے حال شنگ نہ کتگ۔ ھنـّي ھم راستیء ظاھر نہ کنگء مزنتریں سوبءَ سرمچار وتی ھمراھانء سلامتیء پھازگ گشگا انت۔
بلوچی نیوز رپورٹ، چہ بی بی سی، صداء امریکا، ارنا و دگہ جاھان سرجم کتگ۔
پاکستانء پولیسءَ چہ کوئٹہ دگہ 15 وانوک دستگیر کتگنت۔ تنپءَ بی اس او –آزاد و بی ان امء جنین باسکان ظاھری داتگ۔ اشانء سرا پولیسءَ ارس ریچی گس دورداتگ و شنگ شانگ کتگنت۔ چہ اؤدا ھم دو وانوک دستگیر بیتگنت۔ حب شھرءَ دو بمبتراکانء تواراشکنگ بیتگنت کہ چہ اشان رند سرجمین شھر تھاریء آماچ بیتگ۔
بالاچ مریء شھید بیگء جاگہ و جاورانء سرا وڑ وڑین حال شنگ بیگا انت۔ البت یک حالے پدّرا انت کہ آئي لاش سرمچارانء وتی دستا انت و آئیء ھداروکی افغانستانء کل کنگء پروگرام انت۔ یک حالےء ردا بالاچء برات جھدا انت کہ لاش دبئي برگ و ھمودا ھداروکی کل کنگ بہ بیت۔
بازین حالانء چارگا یک حبرے ھرجاہ یک وڑا انت کہ میر بالاچ مری نوشکیء ھند سرلٹ یا سرلچ جنگ بیتگ۔ اے ردا ایرانء سرکاری حالرسینوکین بنجاہ 'ارنا' نبیستگ کہ سرلٹءَ ٹپـّيگ بیگا چہ رند میر بالاچ افغانستانء صوبہ ھلمندء یک نادراہ جاھیا پہ علاجءَ واپینگ بیتگ و آ ھمودا بیران بیتگ۔
ترانگ بہ کپت کہ گوستگین ماہء گڈسرا بلوچ سرمچار مان نوشکی گون پاکستانء فوجءَ مڑتگ تنت۔ اے جنگا پاکستانءَ جنگی گراب ھم کار بستگ تنت۔ گيئشتر ھمے خیال ظاھر بیگا انت کہ میر بالاچ ھمودا ٹپـّيگ بیتگ، بلے سرمچاران اے حال شنگ نہ کتگ۔ ھنـّي ھم راستیء ظاھر نہ کنگء مزنتریں سوبءَ سرمچار وتی ھمراھانء سلامتیء پھازگ گشگا انت۔
بلوچی نیوز رپورٹ، چہ بی بی سی، صداء امریکا، ارنا و دگہ جاھان سرجم کتگ۔
هیچ نظری موجود نیست:
ارسال یک نظر
وتی کلوا چێرا نبیس إت