پاکستانء سربتگین واکانء دستا دو بلوچ شھید، یکے ٹپـّيگ

پنجگورء نزیکا مروچي لھتے پاکستانی فوجیانء کشگا چہ رند مان دمگءَ نادینتگین پاکستانی سلاحبندین واکان سربتگیءَ گپتگ و راھگوزین بلوچانء سرا تیر گواری کتگ۔ چہ اے تیرگواریءَ 2 بے میارین بلوچ کشگ بیتگنت و یکے ٹپـّيگ بیتگ۔

.
شاھو کھنء نزیکا کشگ بیتگین اے مردمانء نام سرکاری ٹیکہ دار آغا منظور احمد و کبیراحمد چکء اسحاق جان انت۔ ٹپـّيگین ھمراہ عارف چکء رحیم بخش انت۔

کچکول علی اڈوکیٹ گشتگ کہ اے مردم پکنکءَ روگا بیتگنت کہ انٹی ڈرگ فورسء سلاحبندین سپاھیگان اشانء سرا تیرگواری کتگ۔ پولیسء بیاننت کہ اشان سرکاری واکانء سرا حملہ کنگء کوشش کتگ۔

بید چہ اشی پہ کشگ بیتگین فوجیانء کشؤکانء درگیجگا لوگ پہ لوگ پٹاسکاری بیگا انت و تنے وھدی 65 کس دستگیر و نزیک 40 موٹرسائیکل آوار جنگ بیتگنت۔
حال چہ بی بی سی، صداء امریکا، انتخاب و دگہ جاھان چہ سرجم کتگ۔