بلوچستانء مزنترین پارٹی چؤکہ گندگ بیگا انت؛ آئي اس آئيء پندلان آماچ بیگا انت۔ ھشت سال اے پارٹی وتی السء ڈوبارگانء دیمپان بیتگ۔ اشیء باسک و لیڈران چہ ھر نیمگا ھر ڈولین ٹوک و تھروز اوپار کتگنت؛ پہ یک فرصتےءَ ۔ یک الکاپ و آزادین گچینکاریےءَ بھر زیرگ یوکین سوب بیتگ کہ اشان وتی بلوچی کینگانء سرا سنگ بستگ و واپینتگنت۔اشانء واھگ کہ بس یک برے سوبین بہ بنت آ وتی ایمانداری و مخلصیءَ پیشدارنت، مھلوکء دیما ثابت کننت کہ آ بلوچدوست و بلوچ آجوئیء راھی انت؛ مشرفء امرجنسی خرچان شت۔ بس یکین باریگء وداریگ بیتگنت تا بلوچستانء واکا دست بگر نت و دیم پہ مادنین کشگا رھیج بگرنت، بلے افسوز کہ مشرف و پاکستانی واکان اشانء وانتگین پیسرا در برتگ۔
چدا پیسرا پاکستانیان اے رد وارتگ۔ پدا نہ ورنتی۔ اشان 1970ء دھرءَ بلوچانء دستا سرکار دات، بلوچان ھفت سالی جنگے پاکستانء چکا دات۔ اشان 1989ءَ بلوچ اشتنت، بلوچان بلوچی و براھوی زبانے وانینگ بندات کت۔ اشان رندترا اختر مینگلء دستءَ واک دات، آئی کوئٹہءَ سرکاری زمینء سرا پہ بلوچي، براھوی و پشتو اکیڈمیان ماڑیے اڈ کت و وتی حمایتیان دات۔ (1)۔
انچو تجربھا چہ رند انگت بلوچء دستا سرکار بہ دی انت؟ زانان دگہ کسے نیست انت؟ ملا چے دردا ورنت؟ لاپ ساٹ و کیسگ دوست چیء واستا ساٹتگنت؟ لھتے وتگڑی سردار پہ چؤنین وھدان واکدار کتگنت؟۔
نشنل پارٹیء حاصل بزنجو راست گشیت۔ امرجنسی و چاریگانء سروکیءَ الکاپین گچین کاری ھچبر نہ بنت۔ چمشکا نین ضروری انت کہ نشنل پارٹی ھما کارءَ بکنت کہ راجء واھگ پدا بہ بیت۔ راجء واھگنت کہ ووٹ و پارلمنٹانء بائیکاٹ۔
بائیکاٹ تنا وھدی کہ بلوچستانء پٹان و آھانء سرڈگارء بھر چہ بلوچستانءَ سندگ و چَگــَل دیگ نہ بنت۔ بائیکاٹ تنا وھدی کہ بلوچ وتی سرڈگارء واھند وت نہ بنت۔ بائیکاٹ تنا وھدی کہ شھید اعظم نواب اکبر شھباز بگٹیء خونء حساب نہ رسیت، بائیکاٹ تنا وھدی کہ میر بالاچ مریء نوک گلگین واھگ پیلو نہ بیتگ۔
دلگوش: (1) اے وھدان کہ بلوچ نشنلسٹان سرکار دستءَ بیتگ بید چہ نام گپتگین کاران اشان اشکنگا لھتے مردم ھم سفارشء سرا مزنین جاھان کار داتگنت۔ دگہ شرترین راجی کار کنگء بٹاک گؤشان نہ کپتگ و نہ ونتگ۔
بلوچي نیوز رپورٹ نشنل پارٹی نیمگا گچینکاریانء بائیکاٹ کنگء جارء ردا نبیستگ۔
هیچ نظری موجود نیست:
ارسال یک نظر
وتی کلوا چێرا نبیس إت