بالاچ منی یکـّين برات و چہ ھرچيز منا دوستر ات، براھمدگ بگٹی

بلوچ سرمچاروشھیداعظم نواب اکبر شھباز بگٹیء نماسگ میر براھندگ بگٹی بی بی سی اردوء سرا ٹلفن جتگ و گشتگ کہ ھرکس میر بالاچء شھید کنگا آئيء نامءَ گرگا انت، آ کپتگین فکرےء واھند انت۔ راستی اشنت کہ اگر منءَ کسے بیتگ گڑا آ بالاچ ات۔

براھندگ بگٹیءَ گشتگ کہ آئی گوستگین 3 تا 4 سالان مدام گؤن بالاچ ھمراہ بیتگ۔ البت بیستے روچ بیتگ کہ آ ھمراہ نہ بیتگنت۔ اے یورشءَ کہ آ شھید کنگ بیتگ ھم -براھندگ گشیت- آ گون نہ بیتگ۔

بلوچستانء تھا پاکستانء فوجی واکدارء داتگین بیان ردا کہ براھندگ و بالاچء درمیانءَ دلچلـّی بیتگ ،میر براھندگ گشتگ کہ اے بیان بلوچ مزاحمتی تحریکء دیما پاکستانء ناکامیءَ شون دنت۔ پاکستانءَ وتی وس ھلـّینت کہ بلوچ مزاحمتءَ پروش بدنت، بلے بے سوب بیت۔ نین چشین کپتگین حبر کنگا انت۔ بالاچ منی برات ات و منا چہ ھر چیز عزیرتر ات۔ بی بی سی اردو، 23 نومبر 07