مــــــــا یک دورےءَ زند گـــوازینگا انت کہ دلوارگی /نگرانی زندء بھرے جؤڑ بیتگ۔ جُستانے چؤکہ؛ بارین من پہ وھد چہ واب پاد کایان؟ بارین من کارا پہ وھد سر بان؟ بارین امبری ڈکال بیت؟ بارین بش مئے ھامینءَ بارت؟ بارین منی ماشین صحبا چالو/روشن بیت؟ بارین منی پگارء چیک پہ وھد منی اکاؤنٹءَ رسیت؟ و دگہ بازین ھنچین جست بنیادم چہ وت کن انت۔اے پھک چوناھیءَ ھنچنائین جست انت. ھر کس اش چہ وت کنت۔ البت، پہ آ کسان کہ دلوارگيء نادراھیء آماچ انت گڑا اے پہ آئی مسئلہء کشمیر اَنت و آئیء زندءَ وتی آماچ کن انت۔ آئی سرا اناگتین پریشانی سرکش انت و چہ وتی ساھگا ترسگا لگـّيت۔ اے ڈولین مردم وتی و وتی کنبء زندگيءَ مشکلان دؤر دی انت۔
آ سلامتین دست، پاد و جون جکسء واھند بیگء باوجود معزور جؤر بنت۔ تھنکائین زند گوازینگ اشانء عادت بیت۔ گِندُکے نہ رونت، دیوانےءَ بھر نہ زیرنت، کار کت نہ کن انت۔ انگار دگرا سلامےءَ علیک گرگا ھم ترسنت۔
شرین حبر اش انت کہ نگرانین مردمانء علاج بیت انت، بلے باز کمک اشان پہ کار انت و باز وھد پہ وش بیگا گؤزیت۔
برطانیاء مردمی آبادیء 18٪ نگرانی و 'فوبیا' بزان 'وت سرین بیم'ء آماچ انت۔ چہ اے نادراھان 75٪ چہ سرپدان کمک نہ لؤٹگا انت۔
نزیک 5 میلین مردمان درا روگا ترسیت۔
نزیک 1 میلین مردمان گؤں مردمان ھؤر بیگا ترسیت۔
نزیک 4 میلین مردمان چہ خاصین چيزان چؤکہ چہ آپی سفرءَ، چہ بالیگرابء سوار بیگا، چہ رنگراھان روگا ترسیت۔
No Panic website زیرگ بیتگ چہ۔
هیچ نظری موجود نیست:
ارسال یک نظر
وتی کلوا چێرا نبیس إت