پاکستانء السی گل –پی پی پیء- مدامی سروک بانک بے نظیر گشتگ کہ اگر گچین کاریان چہ رند آ پاکستانء واکدار جؤڑ بہ بیت گڑا بلوچستانء پھکین سیاسی بندیگان آزاد کنت و عام معافی دات انت۔ بی بی سی اردو۔اے ردا سردار عطاءاللہ مینگل گشتگ ات کہ مہ بلوچستان مشرفء کتگین کارانء سوبا بلوچانء سرا مھربان بیگا چہ پیسر آئی وتی پتء دستا کشگ بیتگین بلوچانء سرا وتی دلپدردیءَ درشان بہ کنت و پَھِلی بہ لوٹیت۔ آساپ آنلائن۔
لھتے مردمانء خیال انت کہ پاکستانء نامءَ آپ لاپین بازینان بے نظیرء بیان دلرنج کنت و بیت کنت کہ چاریگی بنجاہ آئیء گلء سوبین بیگء دیما بدار انت۔ پہ چیاکہ پاکستانی نوکرشاھیءَ پہ وتی پل پانچء برجاہ دارگا بلوچستانءَ جنگ جدل پہ کار انت۔ پہ وتی اے نقطہء منـّينگا آ ھر ھما دورء مثالءَ جن انت کہ بلوچستانءَ فوجی یورش بیتگ گڑا پاکستانیانء بھت پاد آتکگ۔
ھردچارین گل چؤکہ جمعیت علماء اسلام، مھاجرانء متحدہ قومی موومنٹ، پشتون ٹولی -عوامی نشنل پارٹی- اے ردا گؤن چاریگان و نوکر شاھیءَ ھم فکر انت۔
انگت چہ دومی مزنین گل مسلم لیگ نواز نیمگا بلوچستانء سرا بیتگین زوراکیانء حسابا دیگء ردا ھچ بیان دیما نہ یاتکگ۔ بازین بلوچ سیاستکارانء جتگین حسابانء ردا نواز شریف گؤن بلوچستانء میراثی سیاستکاران شرتر سازت کنت۔ بلوچی نیوز رپورٹ
هیچ نظری موجود نیست:
ارسال یک نظر
وتی کلوا چێرا نبیس إت