سائنسدان لھتے نادرھیانء سوباں درگیجگا دیمرئی کنگا انت۔ گوستگین شش ماھانء نیاما آھان لھتے نادراھی چؤکہ کنسر، شکر، دلء نادراھی، بواسیر، سک زنڈی و ھوشء باھینگء جنیٹک سوبانء درگپگء حال شنگ کتگنت۔اشیءَ چہ رند بازین کمپنی دیما آتکگنت کہ مردمانء جینان ٹسٹ بہ کننت تا آ گشگ بیت بہ کننت کہ آیندہءَ کجا نادراھیانء آماچ بیگء ترس آھان بہ بیتنت۔ جست اشنت کہ اے ٹسٹ چنچو شرّنت و بہ گندے اشانء سیتاں چہ تاوان گيئشتر بہ بنت۔
لندن گائے نادراہ جاہء بانک 'کرسٹین پچّ 'ء خیالا انگت انچو دلجمین ترقی نہ بیتگ کہ ھر کس جین ٹسٹ بہ کنت۔ چشین ٹسٹ بے نقس نہ انت۔ نقس ھمش انت کہ تو یکےءَ بہ گشے کہ فلان نادراھیء آماچ بیگء ترس ترا بہ بیت۔ ھمے ڈولا یکےءَ به گشے کہ ترا دلء بیماری گرگء ترس کم انت۔ اے آئيء دلا ڈڈ کنت و آ شراب ورگا و چہ پیگا پرّین وراکانء ورگا انگار مہ کنت۔ بی بی سی
خیالنت کہ اگر دلجمین شاھدی دستا بہ کپیت کہ کجا جین چؤنین نادراھیء سوب بیتنت، گڑا جین ٹریٹمنٹ رندی راہ انت۔ بزان ھما جین کہ کنسر اڈ کنت آئی چہ پیسرا کنسر کشین درمانانء آماچ کنگ بیت انت۔
هیچ نظری موجود نیست:
ارسال یک نظر
وتی کلوا چێرا نبیس إت