لھتے گونڈین حال؛ چہ دنیاء اوارین کنڈان

ھندوستان اسرائیلءِ چاریگی سیارہءَ آسمانءَ سرکنگا سوبین

مروچی -دوشنبہءَ ھندوستانءِ واک پہ اسرائیل یک چاریگی سیارھے آسمانءَ سرکنگا سوبین بیتگ انت۔ چہ شری ھری کوتا اسٹیشنءَ ٹِکسار نامین اے سیارہ صحبءِ کلاک 9:15 ءَ چیرکائی آسمانءَ راہ دیگ بیتگ۔

آربـِٹءَ سربیگا چہ رند اشی چھر دیان وتی جاہءَ اوشتارینگ بیتگ۔ ڈان

چمنءَ افغانستانءَ بار بروکین ٹرک تباہ

جنوب مغربی پاکستانءِ ھند چمنءَ سے ٹرک یاگیان گون بمب تراکان تباہ کتگ انت۔ اے ٹرک بار بیتگ و دیم پہ افغانستان روگا بیتگ انت۔ چہ اشان دو فیول برگا بیتگ انت و آ دگہ یک چہ سامانءَ پـُر بیتگ۔

یکے چہ ڈرائیوران کموک ٹپـّيگ هم بیتگ۔ اے کپت دوشی شپءِ یک وھدے کپتگ۔ افغانستانءَ 40 ٪ مال چہ پاکستانءِ راہءَ رسینگ بیگا انت۔ اے پی

امام حسینءِ یادا وتا جنگ و ٹپـّيگ کنگءِ سوبا لھتے دستگیر

ایرانءِ شھر اصفھانءِ تھا عاشوراءِ درگتا وتا جنگ و ٹپـّیگ کنگءِ سوبا لھتے مردم دستگیر کنگ بیتگ انت۔ پولیسءَ اشانءِ سرا ایمنیءَ خراب کنگءِ ڈوبہ جتگ و گشتگ کہ اشان گون کارچ و دگہ تیزی کالایان وتی بڈ و کوپتگ ٹپـّيگ کتگ انت۔ اے پی

یک برطانیائی فوجی إے کشگ و 5 دگہ ٹپـّيگ

زی -یکشنبہءَ افغانستانءِ توکا یک بمبتراکےءَ برطانیاءِ یک فوجی إے کشگ و دگہ 5 ٹپـّيگ بیتگ انت۔ حالءِ ردا وھدے که فوجیانءِ ماشینءَ چيئر گپتگین بمب لـَگـَت کتگ گڑا آ تِرَکـّـتگ۔ اے کـَپت قلعہ موساءِ شمال مشرقی نیمگا کپتگ۔ بی بی سی