افغانستانءَ واجھکار 'پڈی اشڈاؤن قبول نہ انت

یو انءِ توکا افغانستانءِ سفیر ظاھر طنین گشتگ کہ آئيءِ ملکءَ برطانیاءِ سیاستمدار 'لورڈ پڈی اشڈاؤن' قبول نہ انت کہ آ افغانستانءَ بہ یئت و یو انءِ کارانءِ سروکیءَ بہ کنت۔

لورڈ پڈی اشڈاؤن چہ 2002 تا 2005 بوسنیاءِ توکا یو انءِ کارانءِ سروک بیتگ۔

افغانستانءِ سفیرءَ گـُشتگ؛ اے چارَگ بہ بیت کہ کـَے گِھتر افغانستان و دنیاءِ دگہ ملکانءِ درمیانءَ کار کت کنت۔ آئي گیئش کتگ: اگر تِچکا بہ گشان، افغانستانءِ توکا و ڈنـّا برطانیاءِ خلافءَ مارشت گِندگ بیگا انت۔ آئي په یو انءِ نمایندگیءَ افغانستانءِ پسند 'جنرل مک کول'ءِ نام پیش کتگ۔

جنرل مک کول افغانستانءِ توکا نا ٹوءِ اولی سروک بیتگ کہ 2002ءَ مان افغانستان وتی ذمہ داری ئی انجام داتگ انت۔ بی بی سی فارسی