بلوچدوستین انگریز حالکار و دنیاءِ توکا په انسانی حقان جهد کنوکین واجہ پیٹر تچّلءِ یوکین یورشءَ مشرف دلاپ کتگ و آئی ھنچؤ گندگ آتکگ کہ به گندے وتکش حملہ کنوکےءَ یورش آرتگ و نین آئیءَ کـُـشیت۔حالءِ ردا 25 جنوریءَ وھدے مشرفءَ چہ لندنءِ بالی پٹءَ دیم پہ ھِلٹن ھوٹلءَ برگا بیتگ أنت، گڑا چہ ھوٹلءَ کموکے دیر 'پارک لین' (روڈ)ءَ گوزگءِ درگتا پیٹر تچّل مشرفءِ گاڑیءِ دیما دور کتگ و اوشتاتگ، و مشرفءِ گاڑی پہ دارگا مجبور کتگ۔ إے وھدا واجه تچّلءِ گردنءَ یک 'پلے کارڈ'ئے لونجان بیتگ کہ إشیءِ سرا "پاکستان بلوچانءِ کشگا انگار بہ کن" نبشتگ بیتگ۔
پیٹر تچّل گشیت: منءَ دلگوش أت کہ مشرف پلےکارڈءَ شرّی سرا دیست کنگا أت۔ آئیءِ ڈرائورءَ جھد کت کہ منا رد بہ دنت و بہ گوزیت، بلے من پدا دیم پہ ھمانگو کنزتان۔ مشرف پـُشتی سیٹءَ نندوک أت و من گندگاتان کہ آ ڈرائورءَ پہ زھری چیزے گشگا أت۔ یک رندے دگہ مشرفءِ گاڑی ترّگا لگت و منا رد دیگءِ جُھدئی کت۔ من سیمی رندا پدا گاڑیءِ دیما اوشتاتان۔ إشیءِ سوبءَ مشرف و آئیءِ ھمراہ سک نگيگ بیت أنت۔ گڈسرا پولیسان دِرک کـُـت آتک أنت و من إش چہ اودا پہ زور یک کرّ کت۔
هیچ نظری موجود نیست:
ارسال یک نظر
وتی کلوا چێرا نبیس إت