چہ ھندوستان آتکگین مھاجرانءِ پانکجنوکین تنظیم 'متحدہ قومی موومنٹ' کہ 'مھاجر قومی موومنٹ' نامءَ ھم زانگ بیتگ خیال ظاھر کتگ کہ أگر پاکستانءِ بازین قومان یکے جوڑ کنگا کسے بہ لوٹیت گڈا پھکین صوبھان بروبریءَ خودمختاری بہ دنت۔إے ھوربندءِ درانڈیھین لیڈر ألطاف حسین گشتگ کہ أگر صوبہ بروبریءَ وتواجھی دیگ بہ بنت و چہ إدا دراتکگین وسایلانءِ "رائلٹی" إشان دیگ بہ بنت گڑا پاکستان یک قومے جوڑ بیت کنت۔ آئی گيئش کتگ "أگر پاکستانءِ واک مئے دستا بہ کپیت گڑا ملکءِ پھکین مشکل حل بنت و ھچ صوبہ دگہ صوبھےءِ حقءَ نہ وارت۔
ألطاف حسین دیمتر گشتگ "مزن مزنین جاگیردار، وڈیرہ و سردار غریبانءِ مشکلان حل کت نہ کن أنت، ألبت غریبانءِ خونان ضرور چوش أنت۔ غربیانءِ مشکلانءِ حل کنگا ھما کس تکشیت کہ آئیءِ جند چہ غریب کنبےءَ آتکگ و نیزگاری ئی دیتگ۔ انتخاب 15 فروری، 08
هیچ نظری موجود نیست:
ارسال یک نظر
وتی کلوا چێرا نبیس إت