مشرقی بلوچستانءَ گچین کاریان صوبہءِ پارلمنٹءَ پاکستان مسلم لیگ -ق- چہ آدگران گيئشتر سیٹ برتگ أنت۔ ھمے گلءَ پاکستانءِ آ دگہ صوبھان باھینتگ۔
إشیا چہ بید لھتے نامورین سیاستکار گچینکاریان کپتگ أنت۔ إشانءِ توکا بانک زبیدہ جلال و سردار ثنااللہ زھری ھور أنت۔ سردار ثنااللہ نشنل پارٹیء صوبہ ئی صدر أت، بلے چه نشنل پارٹیءِ نیمگا گجینکاریان تھروز کنگءِ سوبا آئی چہ پارٹیءَ درکپت و ووٹان بھرئي زرت۔ بلوچستانءِ توکا دومی ردا پی پی پی و سیمی بی إن پی-عوامی سوبین بیتگ أنت۔
مدامی وڑا إے رندی ھم بلوچستانءَ ھچ پارٹیءَ إنچو سیٹ نہ برتگ أنت کہ آ بید چہ دگرےءِ کمکا سرکاری کت بہ کنت۔ ألبت حسابءِ ردا بلوچستان إسمبلیءَ إے رندی ملاھان ھچ سوبینی نہ رستگ و سرکارءَ گون لھتے سوبین بیتگین آزاد باسکانء کمکا پیسری دو إتحادی بزان مسلم لیگ -ق و بلوچستان نشنل پارٹی-عوامی ٹھین أنت۔ گدروشیا نیوز
دلگوش: سوبین و کپتگین مردمانءِ حساب أنگت چہ واکدارانءِ نیمگا شنگ نہ بیتگ أنت و بازین سیٹانءِ باروا ھچ سرپدی ھم نہ رستگ۔
هیچ نظری موجود نیست:
ارسال یک نظر
وتی کلوا چێرا نبیس إت