رپورٹ: میران بگٹی/یلان مری/یارجان بارکزئی
بلوچ سرمچاراں ڈیرہ بگٹی ءَ پاکستان ءِ یک فوجی گاڑی ئے گوں ریموٹ کنٹرول بمبے ءَ نشانگ کتگ۔ گاڑیءَ سواریں گیشتر فوجی کشگ بیتگ أنت۔ گاڑی چٹا تباہ بوتگ. زدگ و ٹپیگیں فوجی گوں هلی کوپٹر پنوں عاقل فوجی "چھاؤنی" ءِ ھسپتال برگ بیتگ أنت۔ مرتگینانءِ تها یک فوجی ئے مطلوم حسین ءِ نام ءَ پجاہ آرگ بوتگ۔ ٹپیگان عباس علی، پھول شاہ، فریدالدین غلام عباس و امیرالدین گون أنت۔ بلوچ سرمچاراں إے یورش مروچی ڈیرہ بگٹی دمگ ءَ کتگ۔
.
.
چدا ساری سھ روچ پیسر بلوچ سرمچاراں نوشکی ءَ هم یک فوجی گاڑي ئے گوں ریموٹ کنٹرول بمبےءَ تباہ کتگ و چار فوجی کشتگ. کوئٹہءَ یک سرکاری صحافی ڈاکٹر چشتی مجاهد ھم تیرانی آماچ کتگ۔ ڈاکٹر چشتی مجاهد بلوچستانءِ گورنرھاؤسءِ فوٹوگرافر بوتگ و اخبار جهان نامیں یک پاکستانی ھفت روچی تاکبندے ءَ رپورٹنگ ئی کتگ۔ ڈاکٹر چشتی مجاهد وتی رپورٹانءِ تها مدام بلوچستانءِ راہ دران ءَ إیر جتگ؛ پنجابی فوج و آباد کاران ءَ قبضہ گیریءِ سکین ئی داتگ۔
.
.
پیر کو ہ و سوئیءَ بیست إنچ و بیست و چار إنچ ءِ دو مزنیں گیس پائپ لائن ھم گوں بمب ءَ تباہ کنگ بیتگ أنت۔ إشیءِ سوبا کراچی و پنجابءَ گیسءِ سپلائی بند بوتگ۔ دوشی کوھلو ءَ ھم سرمچاراں فوجی کمپ گوں راکٹاں نشانگ کتگ۔ إے یورش ءِ سرجمیں ھال أنگت نه رستگ۔
دومی نیمگا کوھلو و ڈیرہ بگٹی ءَ پنجابی فوج ءِ آپریشن أنگت برجاہ إنت۔ إے نوکیں آپریشن ءَ تنے وھدی دو جنین آدم و سه چوریگانءِ أواری ءَ درزنے ءَ گیش بلوچ شهید کنگ بوتگ۔ بلوچ لبریشن آرمی و بلوچ ریپبلکن آرمیءِ جارچین بیبگر بلوچ و سرباز بلوچ ءَ ھم چه درزنے ءَ گیش پنجابی فوجیان کشگ ءِ هال داتگ وگشتگ کہ بلوچ سرمچار وتی جهد ءَ همے دابا دیما بر أنت۔ راڈیو گوانک
هیچ نظری موجود نیست:
ارسال یک نظر
وتی کلوا چێرا نبیس إت