کوئٹہ بندیگجاہءَ بندیگین غلام حیدر رئیسانی پاکستانءِ بنجاھی شھر إسلام آباد آتکگین إیرانی پاسدارانءِ دستا دیگ بیت و بالیگرابےءَ سوار دیم پہ إیران شت أنت۔
إیرانءِ واکانءِ گشگءِ پدا غلام حیدر رئیسانی أصلا جنداللہءِ سروک عبدالمالک ریگیءِ برات إنت و آئیءِ أصلی نام عبدالحمید ریگی إنت کہ مان إیران بازین پولیس و فوجیانءِ کشگا دستی ھور بیتگ۔
پاکستانءِ سپریم کورٹءَ پیری (جمعہءَ) حکم داتگ أت کہ غلام حیدر رئیسانی إیرانءِ دستا دیگ مہ بیت، بلے چوکہ جاہ کئيت إیران سرکارءِ واک چہ سپریم کورٹءَ گيئشتر بیتگ و إشی برگا سوبین بیتگ۔
آنگو مغربی بلوچستانءِ ھند سراوانءَ جنداللہءِ مردمان یک پولیس بنجاھےءِ سرا 3 روچ پیسریورش برتگ و 16 پولیس کہ إشانءِ توکا 5 أفسر أنت أغوا کتگ أنت۔ بیت کنت کہ جنداللہ إے پولیسانءِ ویل کنگءِ بدلا غلام حیدر رئیسانیءِ آزادیءِ لوٹءَ بہ کنت۔ بی بی سی فارسی، إنتخاب اردو
مروچی روچتاک توارءَ شنگ بیتگین یک دگہ حالےءَ آتکگ کہ مندءَ جاہ منندین 5 کس إیرانی واکان مان مغربی بلوچستانءِ ھند کل چات تیرانءِ آماچ کتگ و کشتگ أنت۔ إے پنچین کس خر و ھشترانءِ سرا بار برگا بیتگ أنت۔ إیرانیان إشانءِ بار ڈرگ ظاھر کتگ أنت۔
هیچ نظری موجود نیست:
ارسال یک نظر
وتی کلوا چێرا نبیس إت