بلوچستان نشنل پارٹی -مینگلءِ سروک أختر مینگلءِ آزادیءَ چہ رند بلوچستانءِ بلوچ سیاسی گلانءِ وت مان وتی کشّ پہ کشـّی بـِنا بیتگ أنت۔
إے ردا چہ پھکان پیسر بی إن پی -عوامیءِ سروکان أختر مینگلءِ بیان إیر جتگ تنت و آئيءِ سرا ڈوبہ جتگ أت کہ" أختر مینگل و آئي گلءِ باسکان سکـّيءِ وھدا نواب أکبر شھباز بگٹی یوکا ویل کت۔ ھمشی سببا نواب أکبر أخترءِ نیمگا إشارہ کتگ و گشتگ کہ إے گفتارءِ شیر أنت"۔ ألبت بی إن پی- عوامی سروک بے ترانگ بیتگ کہ أگر أختر مینگل شھید اعظم نواب بگٹی یوکا إشتگ، بلے آ وت گون نوابءِ جنوکان ھور بیتگ أنت۔
حبر چہ ھمدا نہ کٹـّتگ۔ بی إن پی-مینگلءِ بازین باسک و سروکانءِ خیال إنت کہ پہ وتواجھیءَ بلوچ جھدءِ مزنترین وارث أختر مینگل إنت۔ چياکہ آئی 13 ماہ مان بندیگجاہءَ گوازینتگ۔ إشیءِ سببا آدگہ جھدکار نہ وش أنت۔ آوانءِ گشگ إنت کہ رند چہ آوان کہ مان کوھان أنت و وتی زگرین خونان ریچگا أنت یا آ کہ شھید بیتگ أنت، بلوچ جھدا گيئشتر آوانءِ دست مان بیتگ۔ سڑکانءِ سرا درایگ بہ بیت، نعرہ جنگ بہ بیت یا پولیسءِ لٹ و آرس ریچوکین گیسءِ آماچی بہ بیت؛ ھما بیتگ أنت۔
گون وتی مات، گھار، جنین و چوریگان ھما بیتگ أنت کہ مان پریس کلبانءِ دیما ھفتگان شدکشـّيءَ نشتگ أنت۔ غلام محمد بلوچ بہ بیت، وھاب بلوچ یا دگہ جھدکار بہ بنت، أخترءِ بندیگیءِ وھدا یا ساریءَ ھمے بیتگ أنت کہ میتگ پہ میتگ بلوچستانءِ سرا بیتگین زوراکی السءِ دیما ظاھر کتگ أنت و الس پہ لانکارگا ساڑی کتگ۔ إے نیاما بلوچ نشنل فرنٹءِ اڈ بیگ یک مزنین گامگيجے منـّگ بیت إنت کہ إشیءِ توکا بی إن پی مینگلءِ دست ھچ ھور نہ بیتگ۔
پدا هم پی إن پیءِ باسک چہ إے راستیان نہ إیوکا وتا ناسھیگ کنگا أنت، آ إشان چٹا حسابا نہ آرگا أنت و چہ وتی مزنترین مچيءَ کہ کوئٹہءَ برجم بیتگ أت، بلوچ نشنل فرنٹ و بی إس او -آزادءِ جھدکار در کتگ تنت۔ إشی سبب بیتگ أت کہ بازین بلوچ أخترءِ دیوانءَ بہ رنبین أنت و گون دَر کتگین مردمان بہ رو أنت۔
چہ ھمے کپتءَ رند بی إس او -آزاد، بلوچ نشنل فرنٹ، بلوچ نشنل موومنٹ و إشانءِ منوک یک گورےءَ أنت و آدگہ نیمگا بی إن پی مینگل و آیانءِ کیسگءِ بی إس او -محی الدین إنت۔ ھر روچ چہ یک نہ یک جاھےءَ حال شنگ بیگا إنت کہ فلان کس فلانیءَ جتگ، اودا فلان تنظیمءِ بیرک فلانءَ دِرتگ۔
بازین سرین بلوچ سیاسی جھدکار لوٹ کنگا أنت کہ أخترصاحب وتی پادان زمینءِ سرا إیر بہ کنت و بلوچستانءِ تاریخی جھدا ھورین ھر کسان و مزن؛ جنین و مردین آدمءَ جھدءِ ھمنچوک مزنین بھرے بہ زانت کہ آئي وت إنت۔ پچیا کہ الس إے راستیءَ زان أنت کہ آ درد دُؤر کہ غلام محمد وتی بندیگیءِ دورا دیستگ إنت یا حنیف شریف و ماسٹر ستارءِ ھازگین ٹپانءِ دیم پہ دیمیءَ أخترءِ سارتین ساھگا 13 ماھانءِ بندیگی حسابا نیا أنت۔
چہ واجہ اللہ نظر و آئی سنگتانءِ بیگواھیءَ، پدا إشانءِ درائي. مان بندیگجاھان إشان جتگین لٹ و داتگین شکنجھانءِ نامانءِ گرگا مردمءِ جانانءِ پٹ چست بنت۔ چونگا أختر مینگل صاحب یا آئي گل وتا چہ أشان برزتر لیکت کن أنت؟ گون کجا دلا نواب أکبر شھباز بگٹی و میربالاچ شھیدءِ عکسانءِ پیش داروکان چہ وتی دیوانان در کن أنت؟ و گش أنت " إے دیوان مئے إنت، دگہ پارٹی وتی عکس و بیرکان ٹال مہ کن أنت"!
إے ردا چہ پھکان پیسر بی إن پی -عوامیءِ سروکان أختر مینگلءِ بیان إیر جتگ تنت و آئيءِ سرا ڈوبہ جتگ أت کہ" أختر مینگل و آئي گلءِ باسکان سکـّيءِ وھدا نواب أکبر شھباز بگٹی یوکا ویل کت۔ ھمشی سببا نواب أکبر أخترءِ نیمگا إشارہ کتگ و گشتگ کہ إے گفتارءِ شیر أنت"۔ ألبت بی إن پی- عوامی سروک بے ترانگ بیتگ کہ أگر أختر مینگل شھید اعظم نواب بگٹی یوکا إشتگ، بلے آ وت گون نوابءِ جنوکان ھور بیتگ أنت۔
حبر چہ ھمدا نہ کٹـّتگ۔ بی إن پی-مینگلءِ بازین باسک و سروکانءِ خیال إنت کہ پہ وتواجھیءَ بلوچ جھدءِ مزنترین وارث أختر مینگل إنت۔ چياکہ آئی 13 ماہ مان بندیگجاہءَ گوازینتگ۔ إشیءِ سببا آدگہ جھدکار نہ وش أنت۔ آوانءِ گشگ إنت کہ رند چہ آوان کہ مان کوھان أنت و وتی زگرین خونان ریچگا أنت یا آ کہ شھید بیتگ أنت، بلوچ جھدا گيئشتر آوانءِ دست مان بیتگ۔ سڑکانءِ سرا درایگ بہ بیت، نعرہ جنگ بہ بیت یا پولیسءِ لٹ و آرس ریچوکین گیسءِ آماچی بہ بیت؛ ھما بیتگ أنت۔
گون وتی مات، گھار، جنین و چوریگان ھما بیتگ أنت کہ مان پریس کلبانءِ دیما ھفتگان شدکشـّيءَ نشتگ أنت۔ غلام محمد بلوچ بہ بیت، وھاب بلوچ یا دگہ جھدکار بہ بنت، أخترءِ بندیگیءِ وھدا یا ساریءَ ھمے بیتگ أنت کہ میتگ پہ میتگ بلوچستانءِ سرا بیتگین زوراکی السءِ دیما ظاھر کتگ أنت و الس پہ لانکارگا ساڑی کتگ۔ إے نیاما بلوچ نشنل فرنٹءِ اڈ بیگ یک مزنین گامگيجے منـّگ بیت إنت کہ إشیءِ توکا بی إن پی مینگلءِ دست ھچ ھور نہ بیتگ۔
پدا هم پی إن پیءِ باسک چہ إے راستیان نہ إیوکا وتا ناسھیگ کنگا أنت، آ إشان چٹا حسابا نہ آرگا أنت و چہ وتی مزنترین مچيءَ کہ کوئٹہءَ برجم بیتگ أت، بلوچ نشنل فرنٹ و بی إس او -آزادءِ جھدکار در کتگ تنت۔ إشی سبب بیتگ أت کہ بازین بلوچ أخترءِ دیوانءَ بہ رنبین أنت و گون دَر کتگین مردمان بہ رو أنت۔
چہ ھمے کپتءَ رند بی إس او -آزاد، بلوچ نشنل فرنٹ، بلوچ نشنل موومنٹ و إشانءِ منوک یک گورےءَ أنت و آدگہ نیمگا بی إن پی مینگل و آیانءِ کیسگءِ بی إس او -محی الدین إنت۔ ھر روچ چہ یک نہ یک جاھےءَ حال شنگ بیگا إنت کہ فلان کس فلانیءَ جتگ، اودا فلان تنظیمءِ بیرک فلانءَ دِرتگ۔
بازین سرین بلوچ سیاسی جھدکار لوٹ کنگا أنت کہ أخترصاحب وتی پادان زمینءِ سرا إیر بہ کنت و بلوچستانءِ تاریخی جھدا ھورین ھر کسان و مزن؛ جنین و مردین آدمءَ جھدءِ ھمنچوک مزنین بھرے بہ زانت کہ آئي وت إنت۔ پچیا کہ الس إے راستیءَ زان أنت کہ آ درد دُؤر کہ غلام محمد وتی بندیگیءِ دورا دیستگ إنت یا حنیف شریف و ماسٹر ستارءِ ھازگین ٹپانءِ دیم پہ دیمیءَ أخترءِ سارتین ساھگا 13 ماھانءِ بندیگی حسابا نیا أنت۔
چہ واجہ اللہ نظر و آئی سنگتانءِ بیگواھیءَ، پدا إشانءِ درائي. مان بندیگجاھان إشان جتگین لٹ و داتگین شکنجھانءِ نامانءِ گرگا مردمءِ جانانءِ پٹ چست بنت۔ چونگا أختر مینگل صاحب یا آئي گل وتا چہ أشان برزتر لیکت کن أنت؟ گون کجا دلا نواب أکبر شھباز بگٹی و میربالاچ شھیدءِ عکسانءِ پیش داروکان چہ وتی دیوانان در کن أنت؟ و گش أنت " إے دیوان مئے إنت، دگہ پارٹی وتی عکس و بیرکان ٹال مہ کن أنت"!
هیچ نظری موجود نیست:
ارسال یک نظر
وتی کلوا چێرا نبیس إت