بلوچ رپبلکن پارٹیءِ گوانکءِ سرا سرجمین بلوچستانءَ جمعہ 25 جولائیءَ بلوچ عوامءَ پاکستانی سرکارءِ تھروز کنگا کاربار بند کتگ اَنت وسڑکان دراتکگ اَنت۔ بی آر پی ڈیرہ بگٹیءِ سرا فوجی یورش و 19 جولائیءَ اودا بلوچانءِ قتل عامءِ خلافا بلوچ پہ یے تھروزی گامانءِ چست کنگا گوانک جتگ تنت۔ حالانءِ ردا پاکستانی فوجءِ ھمے یورشا چہ 50 کسان گيئش بلوچ جنین، چک و کماش کشگ بیتگ اَنت، و 60 لؤگش مانداشتگ انت۔
زی (جمعہءَ) -بید چہ پٹان ھندان- سرجمین بلوچستانءَ کار بار سرجمیءَ بند بیتگ اَنت و جاہ پہ جاہ مچّی و ظاھری کندگ بیتگ اَنت۔ یے باروا روچتاک انتخاب نبیستگ: مستوگ، خضدار، پنجگور، تربت، مچ، نوشکی، دالبندین و دگہ ھندان سرجمیءَ کار بند بیتگ اَنت۔ ھمے پیما خضدار، نال و وڈءَ پھکین دکان بند گندگ بیتگ اَنت۔
آساپ و انتخابءِ رپورٹان آتکگ کہ کوئٹہءَ انجمن اتحاد مری و بلوچ خواتین پئنل، پنجگورءَ بی اِس او -پجار و نشنل پارٹی، مند وتمپءَ بی اِن اِم و خضدارءَ بی اس او آزاد گون بی آر پی رالی کشتگ و بلوچستانءِ سرا بیوکین زوراکیانءِ خلافا کوکار و چيھال کتگ۔
.
آنگو کراچیءَ بلوچ نشنل فرنٹءِ نیمگا یک مچيّے بیتگ و مردمان پاکستانی فوجءِ زوراکی ایئر جتگ اَنت و بلوچ سرمچارانءِ پلانگریءَ نعرہ جتگ۔
چہ توار زرتگین عکسان بی ان ام و بلوچ خواتین پئنلءِ جھدکارانءِ مچّی گندگ بیگا اَنت۔
هیچ نظری موجود نیست:
ارسال یک نظر
وتی کلوا چێرا نبیس إت