نشنل پارٹیءِ سرین رھشون داکٹر عبدالمالک و واجہ جان بلیدی مان آئي ٹی یونیورسٹی کوئٹہ شدکـَشـّيءَ نندوکین بلوچ وانوکانءِ پلانگری زُرتگ و گشتگ کہ سرکاری پالیسی بلوچ وانوکان چہ وانگ دربرگا زبھر کنگا اَنت۔
شدکشـّیءَ نندوکین وانوکان گون گِندُک کنگءِ وھدا آیان وانوک ساڑاھتگ اَنت و گشتگ: پہ تھروزی وانوکانء نندگ پہ آیان وت نہ اَنت، چیاکہ آیانءِ جند چہ پیسرا مان یونیورسٹی وانگا اَنت۔ وانوک لوٹگا اَنت کہ رَدین رھبندے کہ یورنیورسٹی پہ نوکین وانوکانءِ زیرگا دیما برگا اِنت؛ مٹـّينگ و شـَر کنگ بہ بیت۔
نشنل پارٹیءِ رھشونان بلوچ اَکشن کمیٹیءِ حمایت کتگ و گشتگ کہ آ چہ وتی نیمگا ھم اِے پڑا جھد کن اَنت تا بلوچ وانوکانءِ راھان شنک جنگءِ ناروائین راھبند مٹـّينگ بہ بنت۔
بلوچستانءِ توکا یکین آئی ٹی یونیورسٹی اِنت کہ اِشی مان کوئٹہءِ اِنت۔ چہ بلوچستانءِ دگہ بھران سَر جَنان و وتا کوئٹہءَ سرکنوکین وانگ دربروکین ورنا کہ پہ داخلہ رو اَنت، گڈا گشگ بنت کہ پھکین جاگہ پُرّ اَنت۔ بلوچ وانوکانءِ لوٹ اِنت کہ پہ دیرین بلوچ وانوکان جدائین جاگہ گيشینگ بہ بنت۔ انتخاب
هیچ نظری موجود نیست:
ارسال یک نظر
وتی کلوا چێرا نبیس إت