بلوچ اَکشن کمیٹی یوکےءِ جھدکار میر غلامحسین بلوچ گون روچتاک آساپ تران کنگا گشتگ: اِے وھدی بلوچ راجءِ سرا جنگے دور دیگ بیتگ۔ پہ وتی راجی پجّار و سرزمینءِ آزادیا قوم جنگا اِنت، اِشیءِ رھدربری نوابزادہ براھمدغ بگٹی و داکٹر اللہ نظرءِ ڈولین دلاورین بلوچ کنگا اَنت۔
ھما غیرت و بلوچی روایاتءِ زندگ کنگا نواب اکبر بگٹی وتی جان ندر کت مروچی نوابءِ نوماسگ براھمدغ بگٹی ھمے کشکءِ راھی اِنت و دیما روان اِنت۔ آئی نوابزادہ براھمدغ بگٹی و داکٹر اللہ نظر ستا داتگ اَنت گیئش کتگ: اِشانءِ سروکیا بلوچءِ جھد وتی منزلءَ نزکتر بیان اِنت۔ ضروری اِنت کہ بلوچ وتی حقین رھدربران جاہ بیار اَنت و گون آوان ھمکؤپگ بہ بنت۔
وتی یک پیسری بیانےءَ کہ آساپءَ شنگ بیتگ اَت و نبیسگ بیتگ "بلوچ پہ خودمختاری جنگا أنت" میر غلامحسین گون بلوچی نیوزگشت؛ خودمختاریءِ گپ کتابتءِ ردییے بیتگ۔ آئیءِ نظرا بلوچانءِ جنگ پہ راجی آزادیا اِنت۔ و ھمشی بلوچءِ مشکلانءِ یوکین حل اِنت۔
هیچ نظری موجود نیست:
ارسال یک نظر
وتی کلوا چێرا نبیس إت