بی اس او آزادءِ سروک واجہ بشیر زیب گشتگ کہ نواب اکبر شھباز بگٹیءِ شھادتءِ روچ -26 آگستءَ بلوچ سوگ دارگءِ بدلا وتی سینگان بُرز بہ کن اَنت و فخر بہ بند اَنت کہ نواب اکبر شھباز بگٹی و دگہ سرمچاران پہ بلوچ سرڈکارءِ آزادیءَ وتی جان ندر کت اَنت۔ ھمے روچءَ بلوچ وتی گسانءِ سرا آزاد بلوچستانءِ بیرکءَ ٹال بہ کن اَنت و گون یکا دیگرءَ عَھد بہ کن اَنت کہ آ تا بلوچستانءِ آزادیءَ ایمن نہ نِند اَنت۔ گون حالکاران بشیر زیب بلوچ وتی گپ گيئش کتگ: بلوچ راجءِ سرا فرض اِنت کہ آ 26 آگستءَ یک فخربندیءِ روچے بہ زان اَنت۔ نواب بگٹی، بالاچ مری، براھمدغ بگٹی و دگہ سرمچار یے روچءَ زورگرین پاکستانی فوجءِ دیما چؤ سیاہ تلارءَ اوشتات اَنت۔ بلوچ آوانءِ بھادریءَ سلام پیئش بہ کن اَنت۔
چدا دیمتر بشیر زیب گشتگ: ضروری اِنت کہ دروغبندگ، یوکا دپی حبر، کاھلی و آرامءِ زندگیءَ بلوچ اَنگار بہ کن اَنت و پہ بلوچ سرڈگارءِ رکـّینگا عملی گام چست بہ کن اَنت۔ آ کس کہ گون ریاستءَ مفاھمت، مصالحت و مزاکراتءِ وابان گندگا اَنت، آوانءِ واب ھچبر راست نہ بنت؛ بے ثمرین واب مان اَنت۔ و آوان بئید چہ پشومانی دگہ چیزے دستا نہ کپیت۔
بشیر زیب بلوچ وتی تران چؤن سرجم کتگ: پہ ملک و سرڈکارءَ جانان ندر کنوکین بھادرین فرزند ھچبر مردگ حساب نہ بنت۔ ذلتءِ زند ھما گوازین اَنت کہ چہ موتءِ حقیقتءَ بیمش کئیت۔ روچتاک توار
هیچ نظری موجود نیست:
ارسال یک نظر
وتی کلوا چێرا نبیس إت