پاکستانی حالتاکان شنگ بیتگین حالانءِ ردا جعمہءِ بیگاها یک رندے پدا پاکستانی فوجیان وتی توپانءِ دپ دیم پہ ڈیرہ بگٹی و کش گورءِ میتگان کتگ و تیرانءِ آس گوارینگا اَنت۔ تا شنبہ 2 آگست 08ءِ بیگاھا رستگین حالانءِ ردا اَنگت تیر جنگیءِ توار اشکنگ بیگا اَنت۔رستگین حالانءِ ردا پیرکوہءِ نزیکا یک بمبتراکےءِ سببا دو فوجیانءِ ٹپّيگ بیگا چہ رند مان دمگا بیرکان نندوکین فوجیان جمعهءَ پدا لانکارتگ وڈیرہ بگٹی، سوئی و نصیر آباد ھندان ھستين بلوچ میتگانءِ سرا تیرگواری بنا کتگ۔ تنے وھدی کسےءِ کشگ بیگ حال نه آتکگ، بلے بازین کسانء کشگ یا ٹپـّيگ بیگء ترس ظاهر کنگ بیگا اِنت۔
اول آگست 08 برتگین یے فوجی یورشءِ دیما دارگءِ جهدا بلوچ سرمچار چہ کش گورءِ کوھان فوجی کانوائیان سرا راکٹ دئور دیگا اَنت و تیر ھم جنگا اَنت۔ پدا ھم فوج بازین لوگان پٹاسگا سوبین بیتگ و حالان آتکگ کہ چہ 10 بلوچان گيئش دستگير کنگ و چیئرین بندیگجاھان برگ بیتگ اَنت۔
آنگو پاکستانءِ صوبہ سرحدءِ دمگ سواتءِ میتگ مینگوراءَ مروچی یک بمبتراکےءَ 8 پولیس کشتگ و دگہ بازینے ٹپـّيگ کتگ اَنت۔ حالا آتکگ کہ ٹرکےءِ سرا 15 پولیس روگا بیتگ اَنت کہ اشانءِ گاڑیءَ چیئر گِپتگین بمب لگت کتگ۔ پولیسءَ بمب چيئر گيجگءِ ذمواری طالبانءِ چکـّا جتگ۔
تبصره کنوکانءِ خیال إنت کہ فوجءَ گون طالبان ھمدردی ھست اِنت، چمشکا پہ آوانءِ جنگا پولیسءَ دیما کنگا اِنت۔ مان بلوچ میتگان وتا دلگوش کنگا فوج لوٹیت دنیاءَ پیئش بہ داریت کہ آوان دستا کٹـّا نہ اَنت و نہ نشتگ اَنت۔ بلوچان ابید چہ آوان وتی سرمچاران دگہ پانکجنے نیست اِنت کہ چہ پاکستانی فوجءَ رتکگین خونانءِ جُستان بہ کنت۔ بلوچی نیوز رپورٹ
هیچ نظری موجود نیست:
ارسال یک نظر
وتی کلوا چێرا نبیس إت