نواب اکبر شھباز بگٹی بگٹی ٹکءِ نواب اَت۔ آ 12 جولائی 1927 مان بلوچستانءِ دمگ بارکھان ودی بیتگ اَت۔ آئیءِ مات مری ٹکءِ کیتران شاھڑءِ شیر زالے اَت۔ علامہ قاضی وانگجاہءَ وتی بندانی وانگءِ دربرگا رند آئی پہ گيئشتر وانگا برطانیاءِ مزنترین زانتجاہ آکسفورڈ شت۔ وانگ دربرگا چہ رند آئی بلوچستانءَ چھر کت و راجی سیاستءِ توکا چہ پنجاہ سال گيئش بھر زُرت۔
وتی سیاستءِ دورانا نواب اکبر بگٹی اولی بَرا مئی 1958ءَ په وتی دمگءِ نمایندگیءَ پاکستانی پارلمانءِ باسک گچين بیت۔ 1960ءَ آئی فوجءَ دستگیر کت و فوجی کورٹءَ آئیءِ سرا سیاستءَ بھر زیرگءِ بندش جَت۔ یے ڈول تا 1970 آئی گچین کاریان بھر زرت نہ کـُت۔ پدا 15 فروری 1973 بلوچستانءِ گورنر بیت، بلے بلوچانءِ سرا پاکستانی سرکارءِ زوراکیانءِ سببا آئی 3 جنوری 1974 گورنریءِ اگدہ اَنگار کت۔ آئیءِ جاہءَ خان قلات احمد یار خان بلوچستانءِ گورنری دست گپت۔ چہ اِشی رند پاکستانءَ فوجی رواج آتک و سیاست مھن کنگ بیت۔
فوجی دیکتاتور ضیاءُ الحقءِ مِرَگا رند وھدے 1988 گچینکاری بیت اَنت، گڈا نواب اکبر بگٹی گون بلوچستان نشنل الائنس ھؤر بیت و ووٹان سوبین بیگا چہ رند بلوچستانءِ وزیر اعلائیءِ ذموی ئی زرت اَنت۔ یے دورانا اولی بر بلوچستانءِ توکا بلوچی و براھوی زبان مان وانگجاھان وانینگ بندات بیت اَنت۔ البت مرکزی سرکارءَ دیست کہ نواب بگٹیءِ سروکیءَ صوبہ بلوچستانءِ سرکار کاسگ چٹـّیءِ بدلا پہ وتی مردمانءِ حقان چوکہ تلارءَ آوانءِ دیما مکّ اَنت، گڈا بلوچستانءِ پارلمنان 6 آگست 1990ءَ مرکزی سرکارءَ پرؤشت۔
یک برے پدا سال 1993 پاکستانءَ گچینکاری بیت اَنت۔ نواب اکبر بگٹی بھر زرت و یے رندی پاکستانءِ بنجاھی
پارلمانءَ وتی دمگءِ نمایندگی ئی کت۔ وھدے پارلمانءِ توکا نواب بگٹی تقریرا چست بیت آئی اردو گپ کنگءِ بدلا بلوچیءَ تران کـُت۔ بازین باسکان نواب بگٹی پہ یے خاطرا ایئر جت۔ گڈا نواب بگٹی گشت "اردو زبان چہ درا آرگ و پاکستانیانءِ سرا مُشـَگ بیتگ، پاکستانیانءِ زبان بلوچی، پنجابی، سندی و پشتو اَنت۔ اگر شمارا بلوچی دوست نہ بیت من چہ آدگہ پاکستانی زبانان یکّےءَ گون شما تران کنان، بلے اردوءَ نہ"۔
پارلمانءَ وتی دمگءِ نمایندگی ئی کت۔ وھدے پارلمانءِ توکا نواب بگٹی تقریرا چست بیت آئی اردو گپ کنگءِ بدلا بلوچیءَ تران کـُت۔ بازین باسکان نواب بگٹی پہ یے خاطرا ایئر جت۔ گڈا نواب بگٹی گشت "اردو زبان چہ درا آرگ و پاکستانیانءِ سرا مُشـَگ بیتگ، پاکستانیانءِ زبان بلوچی، پنجابی، سندی و پشتو اَنت۔ اگر شمارا بلوچی دوست نہ بیت من چہ آدگہ پاکستانی زبانان یکّےءَ گون شما تران کنان، بلے اردوءَ نہ"۔ دیمتری گچینکاری کہ 1997ءَ بیت اَنت؛ نواب اکبر بگٹی پدا پہ بنجاھی پارلمانءَ گچین بیت۔ اودا آئی و آئیءِ جمھوری وطن پارٹیءِ آدگہ باسکان پہ گيئشتر صوبائی وتواجھیءَ جھد کـُت۔
وھدے فوجی دیکتاتور مشرفءَ پاکستانءِ واکداری دست گِپت، پہ بلوچانءِ مِلک و مالءِ دستگرا لانک ئی بست۔ نواب اکبر بگٹی چہ اَولی روچان بلوچ ڈاہ دیان کت اَنت و سکین ئی دات اَنت کہ پہ وتی میراثءِ رکـّینگا وتا ساڑی بہ کن اَنت۔
مشرفءِ اولی گامگیجانءِ توکا چینءِ دزکمکیءَ مان گوادر یک مزنین بندنے اڈ کنگ ھؤر اَت۔ وھدے یے منصوبہءِ نقشہ و پلان نواب بگٹیءِ دستا کپت اَنت، آئی مار اِت کہ یے رندی بلوچانءِ خلافا چہ پیسریگان مزنترین پندلے سازگ بیتگ۔ گڈا نواب بگٹی بلوچ جَنگ کنگءِ سکین دات اَنت۔
نواب بگٹی و نواب مریءِ ھمشوریءَ سرجمین بلوچستانءَ یک نوکین جُنزےءَ ردوم زُرت۔ نواب بگٹی و نواب خیربخش مریءِ بچّ میربالاچ مری مان یک ھورے مچیّےءَ کہ مان وتی دمگءَ آوان 2 اپریل 2004ءَ سرجم کتگ اَت؛ جارش پرّینت کہ آ پاکستانی زوراکیانءِ دارگا مزاحمتی تحریکے بُندات کن اَنت۔
چہ اشی دو ماہ رند بزان جون 2004ءَ وھدے پاکستانی فوجءَ مان مکرانءِ گیچ دمگءَ بلوچ کلّگ و گدانانءِ سر
ا بمبگواری کـُت گڈا نواب بگٹیءِ مردمان سوئی گئس پلانٹءِ سرا یورش بُرت و پلانٹءِ بازین بَھر تباہ کت اَنت۔ اشیءِ سببا پاکستانءِ مزنین شھران گئسءِ رسگ مھتل بیت۔پاکستانی واکان نین شؤر بست کہ ھر بُھائے بہ بیت آ نواب بگٹیءَ جَن اَنت۔ بلے بلوچ مزاحمتی تحریکا پاکستانی فوجءِ دیئم تا دگہ دو سال داشت و یے دورانا میلیونانءِ حسابا سرکار تاوانبار کـُت۔
پاکستانءِ فوجی گرابان 17 مارچ 2005ءَ نواب بگٹیءِ قلاتءَ سرا حملہ کـُت۔ چہ پنجاہ بلوچان گيئش مان یے گرابانءِ بمبگواریءَ شھید کنگ بیت اَنت۔ اِشانءِ نیاما مان یک ھندو عبادتجاھےءَ پہ عبادت آیوکین جنین، زھگ و کماش ھؤر تنت۔ و نواب چہ اؤدا درکپگا مجبور بیت۔ چہ اشی رند نواب بگٹی بلوچ سرمچارانءِ ھمراھیءَ کوھان شت۔ چہ ھمودا بلوچ ساحل و وسایل سرا پاکستانی واکدارانءِ قبضہ کنگءِ دیما دارگا بلوچ سرمچارئی پہ حملہ کنگا سِکین دیان کـُت انت۔
پاکستانءِ چاریگی گرابان دراجکشين کوشش و شوھازےءَ رند مان بلوچستانءِ کوھان نواب بگٹیءِ کـَمپ دَر گِپت و 24 آگست 2006ءَ شپی شپ یک فوجی بٹالینے اودا ایئر گیئجگ بیت۔ بلے بلوچ سرمچاران گون دلیری و جوانمردی اشانءِ دیم داشت و دو روچءِ یکوئی جنگا بازینے چہ اِشان کشت اَنت۔ کشتگینانءِ توکا 21 زنڈین اَفسر ھؤرء تنت۔
وھدے پاکستانی فوجءِ ھمے بٹالینءِ کماندارءَ وتی موت چمان وت دیست گڈا آئی بـُزرا لوٹ کت کہ جنگی گراب دیم بہ دَے اَنت۔ دیئر نہ گوئست کہ جنگی گرابان نواب بگٹیءِ مِنندجاھین تــَلـَمبءِ سرا بمبگواری کـُت۔ یے ڈولا پاکستانءِ واکانءِ کـُشگءِ پدا نواب بگٹی 26 آگست 2006ءَ شپءِ کلاک دہ و نیم جَنگ بیت۔ گشگ بیتگ کہ اِدا شصت کس چہ نواب بگٹیءِ ھمراھان ھم دشمنءِ زھری بمبانءِ آماچ، و شھید بیتگ اَنت۔
گون نواب بگٹی پاکستانی زوراکی و ناروائیانءِ حبر چہ ھمدا سرجم نہ بیت۔ آیوکین پنچ روچان اشان نواب بگٹیءِ جسدءِ حال نہ کت۔ چہ اِشی رند یک قبلین دارئی پیٹیے وتی واکانءِ دستا مان ڈیرہ بگٹی کلـّش کـُت و ھمے جار پرّینت کہ یے نواب بگٹیءِ جَسد بیتگ۔پاکستانی واکدارانءِ واب کہ چه نواب بگٹیءِ کشگا رند آ بلوچانءِ مال و مِلکت -بلوچستانءَ ھُولّ کن اِنت و اودءِ قدرتی وسیلوان رؤپ اَنت و بر اَنت؛ پورہ نہ بیت۔ چه اشی رند میر بالاچ مریءَ سرمچارانءِ کمان دست گپت و زوراکیءِ خلافا جھد دیما بران کـُت۔
هیچ نظری موجود نیست:
ارسال یک نظر
وتی کلوا چێرا نبیس إت