روچتاک توار شنگ بیتگین حالےءَ نبیسگ بیتگ کہ مان کوئٹہ برجم داشتگین نشنل پارٹیءِ سئے روچ دراجکشین کونسل سیشن سرجم بیتگ۔ دیوانءَ گلءِ وتی و بلوچستان، پاکستان، و دنیاءِ سیاسی جاور چست ایئر کنگ بیتگ اَنت۔توارءَ دیمترا نبیستگ کہ مرکزی کمیٹیءِ باسکان پارٹیءِ صدر عبدالحئیءَ آئیءِ نزورین سیاسی کارکرد سببا شئور داتگ کہ آ چہ پارٹیءِ سروکیءَ دستا بہ کشـّيت، بلے عبدالحئی مردمانءِ شئور قبول نہ کتگ۔ البت وھدے داکٹر مالک پہ صدربیگا مان گچین کاریان عبدالحئی دیما اوشتگءِ جار جتگ، گڈا عبدالحئی چہ دیوانءَ زھر کتگ و شتگ۔
چہ باسکانءِ پریاتان رند واجہ عبدالحئیءِ چھر کنگ و گچینکاریان داکٹر مالکءِ دیما اوشتگءِ حال هم روچتاک توارءَ آتکگ۔ داتگین ووٹانءِ حساب کنگا رند داکٹر عبدالمالک بلوچءَ چہ عبدالحئی گيئشتر ووٹ رسِتگ و پارٹیءِ نوکین صدر گچین بیتگ۔
بلوچی نیوزءَ داتگین حالءَ یارجان بادینی گيئش کت کہ مرکزی سکریٹری جنرل واجہ طاھر بزنجو، سینیر نائب صدر واجہ حاصل بزنجو و بلوچستانءِ صدر واجہ داکٹر یاسین گچین بیتگ اَنت۔
نشنل پارٹیءِ نوک گچین بیتگین صدر داکٹر عبدالمالک بلوچ گون بلوچی نیوز گشت: منی جهدء بیت کہ من پارٹیءِ باسک و منوکانءِ امیدان ردا سروکی به کنان؛ په بزّگ و لگتمالین بلوچ راجءِ جیڑوانءِ گيئشنگا پارٹیءِ گچین کتگین کشکا تیزترین گامےءَ دیما روان کنگ مئے مزنین واھگ اِنت و وھدءِ ضرورت اِنت۔ پرے مقصدءِ پیلو کنگا پارٹیءِ باسکانءِ جھدا گون ھؤر شھزانت و کوّاسانءِ رهشونیانءِ ضرورت ھم مارا باز ھست اِنت۔
.
مروچی کہ میر غوث بخش بزنجوءِ بیرانیءِ سالروچ اِنت، مان کوٹئہ نشنل پارٹی جلسوے کنگا اِنت کہ گلءِ اودا نوک گچین بیتگین سروک تران کن اَنت۔
هیچ نظری موجود نیست:
ارسال یک نظر
وتی کلوا چێرا نبیس إت