اولی بر اِنت کہ مجید شھیدءِ روچ بی اِن پی مینگلءَ یاد آتک

پہ مینگل پارٹی و آئیءِ دزبوگین بی اِس او چہ بلوچستانءِ سرا فوجی یورشءِ خلافا توار چست کنگا شھید مجیدءِ روچا دیوان دارگ ضروری تر بیتگ۔ چہ 19 جولائی دیم پہ اِنگو مان ڈیرہ بگٹی درزنانءِ حسابا فوجءِ دستا بلوچانءِ کشگ بیگ، ھزارانءِ درپہ در بیگ و بازینانءِ بندیگ بیگا مینگل پارٹی نہ گندگا اِنت۔

ھمے فوجی ناروائیانءِ خلافا دگہ بلوچ گل و ٹولی پریات و کوکـّار کنگا اَنت، اِدا ھم مینگل پارٹیءَ وتی گوش بستگ اَنت۔ اِشیءِ بدلا مینگل پارٹی وتی ناما مان حالتاکان زندگ کنگءِ واستا مجید شھیدءِ روچا وتی تاریخءَ اول بر اِنت کہ جاک و سلوات کتگ۔