مهرءِ نهال نمیران اِنت؛ بلوچستانءِ راجی زرمبش

بلوچستانءِ نامیئن سرمچار و بلوچ راجءِ نوک باهندین اجتماعی و دودوربیدگی جهدکار، وجوانان صدای عدالتءِ نمیرانین سروک واجه یعقوب مهرنهاد بلوچ تا سالے‏ مان ترسناک و بیمناکین بندیگجاهان گون وڑوڑین لٹ کٹان دیم پہ دیمی‏ءَ رند زیگین روچ ( دوشنبه) 1387-5-14 ءَ کساس سحبے سرا پاهو دیگ بوت. یے حالءِ رسگا باز اپسوز و دلپدردی بیت۔

.

مرحوم شهید یعقوب مهرنهاد بلوچءَ پاهو دیگ په بلوچ راجءِ پهکین ٹکـّان مزن مزنین تاوانے اِنت.

بلوچستانءِ راجی زرمبش، یے جگر سوچ و دل سندین هالءَ په پهکین بلوچ راج ءِ دوزواهان؛ هاس آئی لوگءِ عزیزان چه زردے جهلانکیان تسلیت گشیت، و وتی نه وشیءِ کوکارءَ گون دگه بلوچ راج دوستان هور اعلان کنت. و وتا یے غم و اندوهانءِ توکا شریک زانت.

ایران ءِ اسلامی جمهوری رژیمءِ هونوار، انساپ نا پسند، دلوت سپت و دیکتاتورین هکومت لوٹیت سدانءِ حسابا بلوچ سرمچارانءِ پاهو دیگا ترس چگل به دنت بلئے مان راجدپتران یے ثابت بوتگ که زلم زور و لٹ کٹءِ سرا منینگا و مردمان مان وتی بیمناکین بندیگجاهان بند کنگا، و لوگان پروشگ یا بمبار کنگا راج چه وتی گزرانی، اجتماعی، دود ربیدگی و راجی حقانءِ گرگا دست بردار نه بنت.

یک پدے دگه بلوچستانءِ راجی زرمبش چه بلوچ را جءِ سجئین وانندگ، راجی تنظیم و پارٹیان، و چه بلوچ راجءِ کواسءُ زانتکارین دانشوران دزبندی کنت که هور گون تپاکی، مچی و هورکاریءَ مهرءِ کشاران آپ به دے إت. چیا که راجانءِ تپاکی گون آوانءِ مچّی وهورکاری همگرنچ اِنت.

بلوچستانءِراجی زرمبش- استکهلم کمیٹی
2008-08-05