پاکستانی حالتاکانءِ شنگ کتگین حالےءِ ردا یکشنبہ 14 ستمبرءَ بلوچستانءِ شھر سوئیءِ توکا جنوزامین جنین آدمے گئس کمپنیا کارکنوکین سرکاری واکدارانءِ حَوَسءِ آماچ بیت۔ چہ پنجاب آتکگین فردوس بیگم نامین جنوزام سوئیءِ توکا سرکاری لؤگان جاہ منند بیتگ کہ آئیءِ سرا دو افسر و 3 محافظان یورش برتگ و باریگ پہ باریگ سرجمین شپا وتی حیوانی کارپدانءِ آماچش کتگ۔ اشان پدا جنین آدم بے سار ھمودا رنبیئتگ و شتگ اَنت۔
/
سار کنگا رند فردوس بیگم وتا سوئی پولیس بنجاھا رسیئنتگ۔ پولیس افسران آئيءِ شکایتءِ پدا گئس پلانٹا کار کنوکین افسر فاروق پاشا و جمشید چاؤلہءَ گؤن ھور محافظ شیرا خان، صغیر احمد و یک دگرےءِ خلافا کئس ثبت کتگ۔ جنین آدم پہ دوا درمان داکٹرانءِ گؤرا دیئم دیگ بیتگ و پہ مجرمانءِ دستگير کنگا پولیس آوان شؤھازا اِنت۔
/
ترانگ بہ گپ اِت کہ ھمے جاھا 22 فروری 2005ءَ داکٹر شازیہ خالد نامین سندی جنین آدمے فوجی افسرئیا وتی ناروائیانءِ آماچ کتگ اَت۔ حماد نامین فوجی افسرءِ خلافا کئس وا ثبت کنگ بیتگ اَت، بلے جنرل مشرفءَ آئیءِ پلانگری زرتگ اَت و چہ دستگیر بیگا نہ رکـّيئنتگ اَت۔ بلوچی نیوز
هیچ نظری موجود نیست:
ارسال یک نظر
وتی کلوا چێرا نبیس إت