"سبز بات بلوچستان" یا "آس گرات بلوچستان"؟!

چیئرا داتگین ئی مئیل "سبز بات بلوچستان" ٹی وی چئنلءِ باروا گؤن داتگین سرحالا مئے دستا کپتگ اشیءِ خاصین بھر پہ وانوکان بلوچیا ترّینتگ اَنت و شمئے شرپا شنگ اَنت۔ آوان کہ چئنلا چارگءِ واھؤک اَنت گڈا Pakset -E38:0ءِ سرا گرگ بیت کنت۔ کاگدا شنگ کنگءِ مانا گؤن اشی تپاک بیگ نہ اِنت۔

"سبز بات بلوچستان"ءِ ناما یک ٹی وی چئنلے شنگ بیگا اِنت کہ اَنگت چکّاسی مراگشان پیئش دارگا اِنت۔ یے چئنل چے اِنت، اِشی واھگ چے اَنت و اشیءِ واھُند کے اِنت؛ انگت زانگ بیگا نہ اِنت۔ ھما کس کہ گؤن ٹی وی چئنلا ھؤر گندگ بیگا اَنت آ ھم اَصلی واھندا جاہ نیار اَنت۔ بس انچوک گشگا اَنت کہ آ یک 'چودھری' اِنت و مان کوئٹہ "چاونی" نندؤک اِنت۔ البت آئی سرجمین ناما گپت نہ کنگا اَنت۔ بیت کنت پہ آوان یے جرمے حساب بہ بیت۔

(مئے خیالا) سبز بات بلوچستان اصلا "آس بات بلوچستان" اِنت۔ اشی جاسوسانءِ یک ٹؤلیيے اڈ کتگین انت۔ اشیءِ کار بلوچستانءِ جاورانءِ سرا شؤھازکاری کنگ و راز درگيئجگ گندگ بیگا اِنت۔ یے 'پروجک' مشرفءِ دئورا ھما وھدی بنگيئج بیتگ اَت، وھدے منیر مینگل لؤٹت "بلوچ وائس"ءِ ناما چئنلے پچ بہ کنت۔ البت یے ھماتان اِنت ترسگا بیتگ اَنت و وتی راز آوان ھچ کسا نہ داتگ۔

یے ٹؤلیےءِ سرین نام کہ دیئما گندگ بیگا اَنت میر قدوس بزنجو، جام کمال خان عالیانی، میر امام یعقوب پدنام امام بیل، داکٹر عبدالمالک و دگہ لھتے سرین مردم ھؤر اَنت۔ آ انگت وتی ٹؤلیا مزنتر کنگا گلائیش اَنت و گؤن وھدءِ گوئزگا نوکین نام درا بیان بنت۔۔۔۔

منجانب بلوچ رائٹرز فورم
rahchaar@gmail.com