چاہ بھار بندنءِ آزادین ھندا باید بلوچستانءِ بازین مالی مشکل حل بہ کتین اَنت۔ البت ھنچؤش کہ دیئما شتگ پیش داریت کہ جیڑوانءِ حل کنگءِ بدلا اِشی انگت پہ دمگا مشکل ودی کتگ۔ مردم پکـّائیا گشت کنت کہ ھندی مردمان کار دیگء بدلا اؤدا کار و تجارت کنوکانءِ ھشتاد درصد درامد اَنت۔چہ آدگہ نقطوان یکے اِش اِنت کہ مان تھران ٹھینتگین یے آزاد بندنا سرکشی کنوکین بُنجاہءِ مردم اِشیا پہ وت یک خاصین ھندے حساب کنگا اَنت۔ چاہ بھاری و بلوچانءِ سرا زؤراکیءِ یک دگہ مثالے ادا گندگء بیت کہ قرار بیتگ چہ یے بندنا رستگین فایدوانءِ بھرے پہ دمگءِ دیئمروی خرچ بہ بیت، بلے افسوزی گپے اِنت کہ تنے وھدی چؤ نہ بیتگ۔ بلّی تؤرین آزاد بندنا آپ، برق، سؤچگی تیل و لھتے دگہ شھری ضرورت رسینگ بیتگ اَنت؛ انگت علاج و دوا درمانی سھولت چہ دھان سال پیئسری حالتا دیئمتر ترقی دیگ نہ بیتگ اَنت۔ بے کاری باز اِنت و پہ ھیئلکاری و وانگ دربرگا ٹھینتگین آسراتی ھما بُن ردی اَنت۔ ملکءِ اوارین ٹؤلی پہ یے –حقان ورگءِ -کارا ھم شئور گندگء بنت، چیاکہ ھنّوگین سرکار بہ بیت یا چہ اشی پیئسری بہ بنت؛ پھکان پہ ادءِ مردمانءِ دیئمری ھچ جھد نہ کُتگ۔
بیت کنت کہ مردمانءِ مغزان یے سوال چست بہ بیت کہ آوانءِ گچین کتگین شھرءِ شؤرا و چاہ بھارءِ مردمانءِ نمایندہ پہ مردمانءِ حقانءِ پانکجنی چے کنگا اَنت؟ منی خیالا یے جستءِ پسّوا مردم گچینکاریانءِ وھدا گؤن وتی ووٹان بہ دے اَنت۔ "شوراء شھر"ءِ گچینکاریانءِ وهد پہ یے پسّوءِ دیگا شرترین فرصت اِنت۔
دوشنبہ 17 مھر 1385 برابر گؤن 9 اکتوبر 2006
هیچ نظری موجود نیست:
ارسال یک نظر
وتی کلوا چێرا نبیس إت