ایرانی چاگردءِ حالت! شھید یعقوب مھر نھاد

پہ حکومتانءِ دارگا صحت مندین چارگرد ضروری اِنت، البت بس نہ اِنت۔ چہ حکومتان حساب جُست کنگءِ مارشتانءِ بن ھشت مردمانءِ سرپد بیگءِ سرا ئیر اِنت۔ ھما چاگرد کہ آئیءِ مردم چہ سرکاران حساب جست کنگا بہ ترس اَنت، ناروائین حکومتانءِ دستا کپ اَنت۔ مردمانءِ ڈاہ بیگ سرکارانءِ زؤراکیانءِ دیئما داریت۔ و اگر سرپدین مردمانءِ کارپد چہ حکومتءِ گيشینئتگین سیمسرا دیئمتر بہ گوئز اَنت؛ حکومتءِ جایز بیگءِ سرا حبر پاد کئیت۔

ایرانءِ چاگرد ھنچؤش ناسرپد اِنت کہ انگت زانگ بیت نہ کنت کہ کجا یکّءِ راہ چے اِنت و واک ئی چنچوک اِنت۔ حکومت ھم ھمے لؤٹیت کہ زوراورین چاگردے اڈ مہ بیت، پچے کہ ڈڈین چاگردی نتظیم چہ حکومتا جواب لؤٹگءِ توانا بنت۔
چهارشنبه 31 خرداد1385 برابر گؤن 21 جون 2006