وھدے مارا سید ظھورشاہ ھاشمی، دادشاہ، مولوی روانبد و دگہ ھست اَنت، مئے دک و پڑان پرچا تھرانی و دگہ هندانءِ مردمانءِ نام پر اَنت؟
یے ردا من دولت، شھرءِ شورا (کونسلران)، بلدیہ و ھم مردمان میاریگ کنان۔ چیاکہ گپ بلوچستانءِ سرمچار، دؤدربیدگی و علمی شخصیتانءِ نامانءِ کارمرز کنگئے اِنت۔
ھما وھدی کہ بلدیہ سرکارءِ دستا بیتگ یے کارش نه کتگ، نے کہ رندا مردمان ووٹ دات و شوراءِ باسکش گچین کت اَنت یے کار بیت، و مئے مردمان وتی واک و زؤرا ھم یے کارا کنگءِ جھد نہ کتگ۔ یے کارے اِنت کہ ھر کسا وتی توانا انجام دات کتگ اَت، ادا سرکارءِ -رضایا زورگءِ -ھچ ضرورت نہ اِنت؛ وتی چاردیواری مئے وتی دستا اِنت۔ وتی دُکّان، کمپنی و کاربارءِ جاگہءِ ناما ما سید ظھورشاہ ھاشمی، دادشاہ، مولوی روانبد و دگہ -راجی سرانءِ -ناما کُت وا کنین! ادا ھچ بھانہ منّگ بیت نہ کنت۔
چؤکہ ھنّوگان تھرانی نام 'شمرون، ونک، میرداماد، قصر تھران، تجریش، نیاوران' زیرگ بیتگ اَنت؛ اگر اشانءِ بدلا پھرہ، مکران، سراوان و دگہ نام زیرگ به بیتین اَنت، یے وت یک دؤدربیدگی کارے نہ اَت؟ یا واقعی یے کارا ما کت نہ کنین؟ یا شاید چہ فلان واکدارا اجازت پہ کارء بیت؟
کوشش بہ کنین کہ وتی حالتا وت شَرتر بہ کنین، چیاکہ خداوند ھچ راجءِ حالتا شرتر نہ کنت تناوھدی آ وت پہ وتی شرتر کنگا گام چست مہ کنت۔
چهارشنبه 15 شهریور1385 برابر گؤن 6 جون 2006 شپءِ کلا ک: 8:22
هیچ نظری موجود نیست:
ارسال یک نظر
وتی کلوا چێرا نبیس إت