بی اس او -آزادءِ بنجاھی کمیٹیءِ باسک بانک کریمہ بلوچ سرکاری واکانءِ دستا بلوچستان یورنیورسٹی کوئٹہءِ لکچرار حسن جانان بادینیءِ دستگیری ئیر جتگ و گشتگ کہ بلوچ وانوکان چہ یک لایق و تجربہ کارین استادئیا محروم کنگ بلوچی زبانءِ خلافا پندلے اِنت۔ بی ان پیءِ باسک و یکے چہ پاکستانءِ پیئسری سنئٹران ثناء بلوچ ھم حسن جانانءِ دستگیریءِ سرا دل پدردی درشان کتگ و چہ سرکارا لؤٹ کتگ کہ حسن جانان بادینی و دگہ بندیگین بلوچان رسگا وئیل بہ کنت۔
آنگؤ بلوچستان یونیورسٹیءِ دیئما تھرؤزی کمپءِ سئے رؤچ سرجم بیت اَنت۔ شنبہءِ رؤچا بازین مردم کمپا شتگ اَنت و وتی ھمپلّی گؤن کمپ جنؤک و بندیگان ظاھر کتگ اَنت۔ یے مردمانءِ نیاما بلوچی زبانءِ استاد و نامورین ندکار واجہ اے آر داد، سنگت رفیق، پروفئسر ممتاز بلوچ، اکرم دؤست بلوچ و ناظم ناصر قمبرانی گؤن بیتگ اَنت۔
بلوچی وانؤکین جنین زھگان پہ حسن بادینی و داکٹر غفورءِ آزادیءِ لؤٹءِ منّينگا مان کوئٹہ پریس کلبءِ دیئما ظاھری ھم داتگ۔
هیچ نظری موجود نیست:
ارسال یک نظر
وتی کلوا چێرا نبیس إت