مھرنھادءِ دگہ لھتے زرّین گفتار

مروچی مھرنھادءِ شھادتءِ چل رؤچ سرجم بیت اَنت۔ پہ بازینان گشئيگا زیین گپے اِنت۔ لھتیان اَنگت وتی ارس پھک نہ کتگ اَنت۔ پہ پشت کپتگینان مھرنھادءِ سِندگ بیگءِ ھر روچ الّما چہ سالے کمترءِ نہ اِنت۔

مروچی پدا دلا گشت کہ آئیءِ ویبلاگا سرے بہ جن اِنت، چہ نقش کتگین آئیءِ زرّین گفتاران دو دانگ بلوچیا بہ ترّین اِنت و بلوچی نیوزءِ وانوکان شریدار بہ کن اِنت۔

مھرنھاد نوشت: دستگٹـّی باز اَنت۔ وتی مدامی دلسیاھی و درشان کنگی فکری خیالان نبیسگ و مان یک ویبلاگئیا شنگ کنگ یکوئی منی دستا بیت مہ کنت، پدا ھم تجربوانے کہ گؤن غیر حکومتی تنظیم و مردمی ھؤربندان لھتے سالانءِ ھؤرین جُھدا چہ رند منی دستا کپتگ، سکین دے اَنت کہ ھر کسا وتی دلانءِ درد درشان کنگءِ ضرورت اِنت۔ وتی دل ئے و (دپا) درشان کتگین گپان لس دنیا و وتی ھمدرورانءِ دیئما جنگ اَنگت گھتراِنت؛ گؤن بنی آدمانءِ ھنچین دنیائیا کہ چہ ھر وڑین زندہ بات و مردہ باتان گؤستگ، و چہ زبان، قوم، مذھب و سرڈگاری فرق پیران پھک بہ بیت؛ تران کنگ بہ بیت۔ (دنیایے کہ) تئی اصلیت پچگرگ مہ بیت وھچبر فکر مہ کن ئے کہ گش اَنت تو دومی درجہءِ شھر وندیئے و یا سئمی درجہ ئے۔

البت وتی باروا اَگر یک ردے تؤکا سرکچ بہ دیان، گڈا باید بہ گشان: کـَویری ھَندءِ بلوچستانی ئیان و زاھندان شھرءِ نندوکیان، و غیر دولتی تنظیم انجمنءِ جوانانءِ صداءِ عدالتءِ سرؤکان۔ و تنے وھدی وتی عمرا 25 بهارگاه گوازینتگ اَنت۔

من ساڑیان کہ شما ویبلاگ نبیسوکانءِ رما ھؤر بہ بان۔ (شما) شاید بہ گش اِت کہ منی ملکا ویبلاگ نبیسگ روا نہ اِنت و گون خطران دیئم پہ دیئم بیان۔ شمارا بہ گشان کہ ویبلاگ نبیسگا جرم منّوک منا دومی درجہ شھروندے لیئک اَنت و چہ بازین حقان مان یے ملکا زبھران۔ چمشکا شرتر ھمش اِنت کہ ھما ڈول آزاد ودی بیتگان؛ بے گنگی، زبان بندی، قید وگرءِ بند چہ ادا بہ روان۔ شاید ھمے ڈئول شر تر رستگاریء رسیت۔

یے چُنت روچءِ زندگی چؤنء گؤزیت مُھم نہ اِنت، مُھم ھمش اِنت کہ وتا اَرزان بھا مہ کن اِنت و آزادین مردانءِ ڈئولا زند بہ گوازین اِنت۔

(ویبلاگ نبیسان!) باز گل بان اگر منا وتی مچّی تؤکا قبول بہ کن اِنت۔

گؤن خلوص و اِحترام

یعقوب مھرنھاد
جعمہ 26 خرداد 1385 (5 جون 2006) بیگاہءِ کلاک 5:54