جنداللہ وتی یک بیانےءَ داتگ کہ شنبہءِ روچا گون إیرانی واکان دیم پہ دیمی جنگءِ سببا آوان چار باسک شھید بیتگ أنت۔ بیانا شھیدین باسکانءِ نام أحمد وفائی، أللہ نظر کبدانی، نادر ریگی، ناصر شہ بخش کہ حاجی درّا شہ بخشءِ برات إنت؛ نبشتہ أنت۔
جنداللہ دیمترا نبشتہ کتگ کہ گون سرکاری واکان جنگا تا دوشنبہءِ بیگاہءِ کلاک 2 داشتگ و إیشیءِ دورانا چہ 40 کسان گيئش دولتی مردم کشگ بیتگ أنت۔ یے جنگا صدانءِ حسابا فوجی و 6 ھلی کاپٹر سرکارا کامرز کتگ أنت۔
آنگو مان زامران دمگا کہ إیرانی واکان ملا سلیم نامینے مان آئیءِ لوگا تیر جتگ و ٹپیگ کتگ أت، و گون وت برتگ أت؛ بیران بیتگ و جسد آئیءِ مردمان رستگ۔ لھتے جاھان ملا سلیم جنداللہءِ باسک ظاھر کنگ بیتگ۔ ألبت جنداللہءِ وتی نیمگا یے ردا ھچ حال شنگ نہ بیتگ۔
بلوچستان یومن رائٹس واچءِ بیانےءَ آتکگ کہ إیرانی گراب زاھدانءِ کش گؤران بازین میتگانءِ سرا بمبگواری کنگا أنت۔ لھتے جاھان یے بمبگواریءِ سببا بازین لوگانءِ پروشگ، مردم و دلوت ٹپّيگ یا کشگ بیگءِ ترس ظاھر کنگ بیتگ.
آ دگه دیما ڈرگ بھا کنوکءِ ناما شهرام چکءِ علیرضا، رمضان چکءِ حسن وساسان چکءِ عزیز مراد دوشنبہ 13 آگست 08ءِ بامگاھا مان زاهدان بندیگجاها درنجگ بوت أنت۔
Rights reserved by www.balochinews.com
هیچ نظری موجود نیست:
ارسال یک نظر
وتی کلوا چێرا نبیس إت