منی مُلور بیگءِ سبب چہ مردمان دوری بیتگ -شھید مھرنھاد

منی مُلور بیگءِ سبب چہ مردمان دوری بیتگ

مروچی منا موہ رست کہ مان أنجمنءِ دفترا دھان حسابا مختلفین مردم بہ گندان و گون آوان گپ بہ کنان۔ منی خیالا چہ ھر درمانےءَ إے مردمانءِ گندگا منا گيئشتر فایدہ دات۔ گپّے کہ چہ إے درستین مردمانءِ دپا من إشکت ھمش أت کہ آوان منا مُلور مار إت۔ من آوانءِ جوابا گشت کہ منی ملوریءِ سبب چہ شما دوستان دوری بیتگ۔ ھر پیم، تنے وھدی من په وت چہ مردمانءِ ھمدردیان شرترین درمانے نہ دیستگ۔ ھما کس کہ دیر إنت من ھمے سوج إش دیان کہ گون وتی مردمان نزیک بہ بنت۔ دلجمان کہ آوان فایدہ رسیت۔
سر بلند بات إت۔
یکشنبه 24 دی 1385ھمدپ گون 14 جنوری 2007 شپء کلاک 9:44

دلگوش: چیرا داتگین سیاھگ شھید مھرنھادءِ ویبلاگا شنگ بیتگ أنت، بلے چہ إیشانءِ وانگا زانگ بیگا إنت کہ آئی وت نبشتہ نہ کتگ أنت۔

217 کسانءِ نیاما مھرنھاد إیوکین کس إنت کہ دیم ئی دارگ بوت

مھر نھاد إیوکین کس إنت کہ 217 مردمانءِ نیاما مان ووٹان بھر زیرگا دیم ئی دارگ بوت۔ چوناھیا دگہ بازین کسانءِ نام هم نامنظور کنگ بیتگ أنت، بلے لھتیان وت وتی نام رندترا در کتگ أنت و بازینےءِ نام دوارچاریءَ رند ھِلّگ بیتگ أنت۔ بس مھر نھاد پشت کپتگ کہ دوارچاریءَ رند هم زیرگ نه بیتگ و نے کہ آئی وتی نام وت در کتگ۔ ألبت مان گچینکاریان بھر زیرگا إجازت نہ رسگءِ سببا مردمانءِ دیما مھرنھادءِ قدر گيئش بیتگ۔۔۔

مولوی عبدالحمید و مھرنھادءِ نیاما إختلافءِ خبر ردین أنت

مزنین عیدءِ وھدا گشتانکءِ باروا مولوی عبدالحمید و مھرنھادءِ إختلافءِ خبر ردین أنت۔ إے ردا إیمئلے کہ مئے سرا راہ دیگ بیتگ و اودا نبیشتہ إنت کہ عیدءِ روچا مولوی عبدالحمید گون مھرنھاد ڈیک وارتگ و آئیءِ گشتانکءِ سرا وتی نہ وشّی درشان کتگ أنت۔

إے إیمئل راہ دیوکا ما گشگ لوٹین کہ مزنین عیدا مولوی عبدالحمید پہ حجءَ مکّہءَ بیتگ۔ چمشکا دوئیانءِ نیاما ملاقات بیگءِ خبر رد إنت۔ أبید چہ إیشی مھرنھاد وتی گپانءِ تھا مردمانءِ حقین مشکل، جیڑہ و لوٹ بیان کتگ أنت؛ إدا کسےءِ نہ وَش بیگءِ ھچ سبب نیست إنت۔۔۔
جمعه 29 دی 1385 ھمدپ گون 19 جنوری 2007 بیگاہ کلاک 3:25

Rights reserved by www.balochinews.com