شھید مھرنھاد نبیست:
بلوچستانءِ ایوک و نامدارین مردمی ھؤربند انجمن جوانان صداءِ عدالتءِ دیمروئیءَ مرچان چہ خاصین جاھان راہ دیگ بیتگین و چہ ھماوان راھشونی زیروکین لھتے مردمانءِ دلان بیم دور داتگ۔ و آوان انجمنءِ پرؤشگا لانکارتگ۔ پندل سازان لھتے ماہ پیسر یے پندل بنگیج کتگ و ھنوگان انجمنءِ ھمدپین (صدالت) نامےءَ یک نقلی ویبلاگے ھم پچش کتگ تا انجمنءِ ناما بے پکارین تبلیغ بہ کننت و مردمانءِ مغزان خراب، و انجمن و انجمنءِ سروکءِ خلافا آوان سُکین سُکین به کننت۔ چہ اشی رند وتی شوم و پلیتین کاران دیما به برنت۔ ۔ ۔
فرضی نامان مئے سرا وڑ وڑین ئی میل دیم دینت۔ پہ درور یک ئی میلے کہ مئے سرا دیم دیگ بیتگ اودا نبشتونت: ۔۔۔ ھما گپ کہ من چہ تو اشکتگنت و ھما کہ تئی کار پیئش دارنت ھمے شؤن دینت کہ اشانءِ توکا فرق ھست۔ من سھیگان کہ انجمنءِ دیما بروکین جھدکار شما چہ بنجاھی کمیٹیءَ در کتگنت و ھما مردم کہ ھنون تئی کش گورا اَنت جنین آدم اَنت یا ھام اَنت۔
راستیا پہ مئے چارگردا و مردمان یے گيشتگ کہ ما ھرچے گشتگ ھمائی سرا عمل ھم کتگ۔ البت ما منّین آ ڈولا کہ مئے مردمان ضرورتنت ما خدمت کت نہ کتگنت، چیاکہ مئے وسیلہ و توان چہ ضرورتان کمتر بیتگنت۔ چؤ ھم بیت کنت کہ جوان بیگءِ سببا لھتے جاھان ما خطا کتگ، بلے اگر مارا پیسری تجربہ بہ بیتین اَت، گڈا مئے کار شرتر بیتگ تنت۔ اصلی جیڑہ مئے چاگردے اِنت کہ تنے وھدی یے ڈولین کارانءِ تجربہ ئی نیستنت۔۔۔
آ کس کہ گشگا اَنت مئے کار رد بیتگنت و یا اشانءِ آسر رد نت؛ باید تھاریءَ لعنت دیگءِ بدلا کنڈیلے روک بہ کننت۔ بیا اَنت، بے خطایین تنظیمی کار بہ کننت۔ پہ یے حبرا ما باز گل بیین، چیاکہ بلوچستانءَ سک باز ھؤردستین کار کنوکانءِ ضرورتنت۔ بازین تکان انگت ھچ کار نہ بیتگ۔ صداءِ عدالتءِ ڈولین ھزاران تنظیم گون وتی مثبتین کاران بلوچستانءِ خدمتا چست بہ بنت؛ کارکنگءِ پڑ پراھنت۔
چنت مردم کہ گون انجمنا کمتر کار کنگا گندگ بیگا اَنت، اشیءِ بازین دلیل بیت کننت۔
1۔ گون انجمنا ھر کس وتی رضاءَ کار کنت۔ کسا زؤر پر نیستنت کہ آ وتی جھدا برجاہ بہ داریت۔ باسک بیگ آزادنت و باسک تنا وھدی کہ ھؤردستی کار کنگا واھوکنت، کار کت کننت۔
2۔ بیت کنت کسے چہ انجمنءِ حدّا در بہ کپیت و آئیءِ لؤٹان پادلپاش بہ کنت، و یا انجمنءِ ناما پہ وتی جندءِ فایدوا کارمرز بہ کنت؛ یے ڈولین مردم انجمنءِ کاران کنٹ کننت۔ چمشکا یے ھر کس بہ بنت چہ اشان جست کنگء بیت۔ الّما پہ وتی کارپدانءِ چیر دیگا یے ڈولین مردم دگران بھتان بندنت۔
باید مردم انصاف بہ کنت۔ چیاکہ اگر کسےءَ اسیپتین پشکے گورا بہ بیت و یک گندمی دانےءِ کچّا آئیا سھرین ٹکّے پر بہ بیت، پشک سھرین رنگے گشگ نہ بیت۔
جنین آدم، ھام و کم وانندوین مردمانءِ بھر زیرگءِ گپءِ ردا گشگ ضروری اِنت کہ اشانءِ راھان بندگ روراکییے۔ چیاکہ چاگردءِ نیمے جنین آدم اَنت و ما اشانءِ بھر زیرگا ضروری منـّین۔ ھمے وڑا صوبہءِ توکا تعلیمی اداروان وتی ذمواری ضرورتان گؤن ھمرد ادا نہ کتگنت، اشیءِ سببا مردمانءِ مزنین بھرے ھام و کم وانندونت۔ گون انجمنا آوانءِ ھؤر بیگ آوانءِ توکا ھورکاریءِ مارشتانءِ بیگءِ ثبوتنت و انجمن ھم پھر بندیت کہ چاگردءِ اوارین ٹولی آئیءِ سرا بروسہ کننت و ھورکاریءَ ساڑی انت۔۔۔
گڈسرا دوست و بدواهانءِ دیما یے شعرا گشگ لؤٹان:
هر كه ما را ياد كرد ايزد مر او را ياد باد
هر كه ما را خوار كرد از عمر برخوردار باد
هركه اندر راه ما خاري فكند از دشمني
هرگلي كز باغ وصلش بشكفد بي خار باد
چهارشنبه 14 تیر1385 ھمدپ گؤن 5 جولائی 2006
بلوچستانءِ ایوک و نامدارین مردمی ھؤربند انجمن جوانان صداءِ عدالتءِ دیمروئیءَ مرچان چہ خاصین جاھان راہ دیگ بیتگین و چہ ھماوان راھشونی زیروکین لھتے مردمانءِ دلان بیم دور داتگ۔ و آوان انجمنءِ پرؤشگا لانکارتگ۔ پندل سازان لھتے ماہ پیسر یے پندل بنگیج کتگ و ھنوگان انجمنءِ ھمدپین (صدالت) نامےءَ یک نقلی ویبلاگے ھم پچش کتگ تا انجمنءِ ناما بے پکارین تبلیغ بہ کننت و مردمانءِ مغزان خراب، و انجمن و انجمنءِ سروکءِ خلافا آوان سُکین سُکین به کننت۔ چہ اشی رند وتی شوم و پلیتین کاران دیما به برنت۔ ۔ ۔
فرضی نامان مئے سرا وڑ وڑین ئی میل دیم دینت۔ پہ درور یک ئی میلے کہ مئے سرا دیم دیگ بیتگ اودا نبشتونت: ۔۔۔ ھما گپ کہ من چہ تو اشکتگنت و ھما کہ تئی کار پیئش دارنت ھمے شؤن دینت کہ اشانءِ توکا فرق ھست۔ من سھیگان کہ انجمنءِ دیما بروکین جھدکار شما چہ بنجاھی کمیٹیءَ در کتگنت و ھما مردم کہ ھنون تئی کش گورا اَنت جنین آدم اَنت یا ھام اَنت۔
راستیا پہ مئے چارگردا و مردمان یے گيشتگ کہ ما ھرچے گشتگ ھمائی سرا عمل ھم کتگ۔ البت ما منّین آ ڈولا کہ مئے مردمان ضرورتنت ما خدمت کت نہ کتگنت، چیاکہ مئے وسیلہ و توان چہ ضرورتان کمتر بیتگنت۔ چؤ ھم بیت کنت کہ جوان بیگءِ سببا لھتے جاھان ما خطا کتگ، بلے اگر مارا پیسری تجربہ بہ بیتین اَت، گڈا مئے کار شرتر بیتگ تنت۔ اصلی جیڑہ مئے چاگردے اِنت کہ تنے وھدی یے ڈولین کارانءِ تجربہ ئی نیستنت۔۔۔
آ کس کہ گشگا اَنت مئے کار رد بیتگنت و یا اشانءِ آسر رد نت؛ باید تھاریءَ لعنت دیگءِ بدلا کنڈیلے روک بہ کننت۔ بیا اَنت، بے خطایین تنظیمی کار بہ کننت۔ پہ یے حبرا ما باز گل بیین، چیاکہ بلوچستانءَ سک باز ھؤردستین کار کنوکانءِ ضرورتنت۔ بازین تکان انگت ھچ کار نہ بیتگ۔ صداءِ عدالتءِ ڈولین ھزاران تنظیم گون وتی مثبتین کاران بلوچستانءِ خدمتا چست بہ بنت؛ کارکنگءِ پڑ پراھنت۔
چنت مردم کہ گون انجمنا کمتر کار کنگا گندگ بیگا اَنت، اشیءِ بازین دلیل بیت کننت۔
1۔ گون انجمنا ھر کس وتی رضاءَ کار کنت۔ کسا زؤر پر نیستنت کہ آ وتی جھدا برجاہ بہ داریت۔ باسک بیگ آزادنت و باسک تنا وھدی کہ ھؤردستی کار کنگا واھوکنت، کار کت کننت۔
2۔ بیت کنت کسے چہ انجمنءِ حدّا در بہ کپیت و آئیءِ لؤٹان پادلپاش بہ کنت، و یا انجمنءِ ناما پہ وتی جندءِ فایدوا کارمرز بہ کنت؛ یے ڈولین مردم انجمنءِ کاران کنٹ کننت۔ چمشکا یے ھر کس بہ بنت چہ اشان جست کنگء بیت۔ الّما پہ وتی کارپدانءِ چیر دیگا یے ڈولین مردم دگران بھتان بندنت۔
باید مردم انصاف بہ کنت۔ چیاکہ اگر کسےءَ اسیپتین پشکے گورا بہ بیت و یک گندمی دانےءِ کچّا آئیا سھرین ٹکّے پر بہ بیت، پشک سھرین رنگے گشگ نہ بیت۔
جنین آدم، ھام و کم وانندوین مردمانءِ بھر زیرگءِ گپءِ ردا گشگ ضروری اِنت کہ اشانءِ راھان بندگ روراکییے۔ چیاکہ چاگردءِ نیمے جنین آدم اَنت و ما اشانءِ بھر زیرگا ضروری منـّین۔ ھمے وڑا صوبہءِ توکا تعلیمی اداروان وتی ذمواری ضرورتان گؤن ھمرد ادا نہ کتگنت، اشیءِ سببا مردمانءِ مزنین بھرے ھام و کم وانندونت۔ گون انجمنا آوانءِ ھؤر بیگ آوانءِ توکا ھورکاریءِ مارشتانءِ بیگءِ ثبوتنت و انجمن ھم پھر بندیت کہ چاگردءِ اوارین ٹولی آئیءِ سرا بروسہ کننت و ھورکاریءَ ساڑی انت۔۔۔
گڈسرا دوست و بدواهانءِ دیما یے شعرا گشگ لؤٹان:
هر كه ما را ياد كرد ايزد مر او را ياد باد
هر كه ما را خوار كرد از عمر برخوردار باد
هركه اندر راه ما خاري فكند از دشمني
هرگلي كز باغ وصلش بشكفد بي خار باد
چهارشنبه 14 تیر1385 ھمدپ گؤن 5 جولائی 2006
هیچ نظری موجود نیست:
ارسال یک نظر
وتی کلوا چێرا نبیس إت