'بلوچی لبزانک' تھا سوویت یونینءِ بلوچانءِ باروا حفیظ جان حسن آبادیءِ درستین نبشتانک من گون ھب ونتگ أنت، بلے گون داکٹر جان محمد محمدوف آئیءِ دیم پہ دیمی وتی مٹ وت أت۔ واجہ جان محمدءِ گپان منا بے کساس متاثر کت۔ یے شعر حفیظ حسن آبادیءِ ناما إنت۔ أکبر بارکزئی (مھتاک بلوچی لبزانک -جولائی آگست 1991)
/
جان محمد محمدوف -لچہ: أکبر بارکزئی
دوریءِ دردءِ زبان ئے جان محمد محمدوف
تو مئے جھدءِ داستان ئے جان محمد محمدوف
گرمین تئی أرسانءِ توکا
طفلی پریاتانءِ توکا
تئی دلءِ لھڑانءِ توکا
مھرءِ من أرواہ دیست
اُمیتءِ من هزّام دیست
آدمی زاتءِ گشئے من سرجمین تاریخ دیست
آزادیءِ گوربام دیست!
أرس تئی إستار أنت پہ مئے سیاہ و تامورین شپان
فکر تئی گلزار إنت مئے تاھاپین ڈن و کوچگان
کِیکّ تئی تاریخءِ چیھال أنت گشئے
گپ تئی قرنانءِ بن مال أنت گشئے
دیم تئی پر مھرین روچءِ دَروَر إنت
جان تئی مئے سربلندین بیرق إنت
زندگ و پادار باتئے جان محمد محمدوف
دائما گلزار باتئے جان محمد محمدوف!
بیا کہ مئے ھر کوچگ و گیابان رھچار إنت تئی
بیا کہ ھر شھرِستگ و بوستان رھچار إنت تئی
بیا کہ تئی راجءِ ھموک دیوان رھچار إنت تئی
بیا کہ بیایاتئے بلوچستان رھچار إنت تئی!
تو مئے جھدءِ داستان ئے جان محمد محمدوف
گرمین تئی أرسانءِ توکا
طفلی پریاتانءِ توکا
تئی دلءِ لھڑانءِ توکا
مھرءِ من أرواہ دیست
اُمیتءِ من هزّام دیست
آدمی زاتءِ گشئے من سرجمین تاریخ دیست
آزادیءِ گوربام دیست!
أرس تئی إستار أنت پہ مئے سیاہ و تامورین شپان
فکر تئی گلزار إنت مئے تاھاپین ڈن و کوچگان
کِیکّ تئی تاریخءِ چیھال أنت گشئے
گپ تئی قرنانءِ بن مال أنت گشئے
دیم تئی پر مھرین روچءِ دَروَر إنت
جان تئی مئے سربلندین بیرق إنت
زندگ و پادار باتئے جان محمد محمدوف
دائما گلزار باتئے جان محمد محمدوف!
بیا کہ مئے ھر کوچگ و گیابان رھچار إنت تئی
بیا کہ ھر شھرِستگ و بوستان رھچار إنت تئی
بیا کہ تئی راجءِ ھموک دیوان رھچار إنت تئی
بیا کہ بیایاتئے بلوچستان رھچار إنت تئی!
هیچ نظری موجود نیست:
ارسال یک نظر
وتی کلوا چێرا نبیس إت