دلگوش: سیاهگءِ نبشته کنگءِ راهبند کموک شرتر کنگءِ جهد کتگ.
سال 2008 په بلوچان پیسری سالانءِ پیما سیاهین سالے أت. إے سال گون بازین اڑءُ جنجالان گوَست.
مروچی إے خبر چه کسا چیر نه إنت که بلوچءِ تاریخ، زبان ءُ دود ربیدگ؛ بلوچءِ وجود، حیثیتءُ آبرو گون وڑ وڑین جاوران دیم په دیم إنت.
گوستگین سالا صدانءِ حسابا بلوچ إیرانءِ إسلامی رژیمءِ خونوار و إنصاف دشمنین حکومتی واکانءِ دستا شهید بوت أنت و بازین مات و پت چه وتی چُک، بازین چُک چه وتی پت ءُ مات زبهر کنگ بوت أنت.
تا جاهے که من پٹ ءُ پول کتگ بلوچستانءِ راجی تاریخءَ هچ چشین ظلم زور، کشت کوش و پروشت پرؤش نیاتکگ که إیرانءِ هنوگین رسترینِ حکومت بزگین راجءِ سرا آرگا إنت.
أفسوز و هزار أرمان که أنگت هزارانءِ حسابا مان سیاه تهارین بندیگ جاهان بندیگ أنت و گون پاهوءَ دیم په دیم أنت.
بلوچستانءِ هر کنڈا آس جمبور إنت. چه بلوچستانءِ نوکین نسلءُ اوبادگا گپتگ تا ملا ء ُ هامان هر روچ لٹ کٹ ءُ نه کتگین کاران په زور منینگا پد مان وتی بیمناکین بندیگ جاهان بندیگ ءُ پاهو دیگا أنت.
قومےءِ پجار سئے چیز أنت ، زبان، دود ربیدگءُ سرزمین. بلوچ راج چه إے هر سئین چیزان زبهر إنت. بزان راجی نابرابری، دود ربیدگی نابرابریءُ هنچوش إجتماعیءُ گزرانی نابرابری.
بلوچستانءِ حق ءُ بلوچستانءِ راجی جنزءِ مسئلوانءِ باروا مان بلوچی تنظیمانءِ ویب تاکان ءُ مراگشان بازین گپ بوئگا إنت. بلے بلوچان راست گوشتگ که په هلوا هلوا کنگ دپ شیرکن نه بیت.
أگر په دل لوٹ إت که گون هلوا دپان شیرکن به کن إت گڈا پدگیری ألمی إنت. ضروری إنت که ما گرءُ لانچ، ءُ تچ تاچ به کنین. هما چیزان پد به جینن که هلوا چه آهان أڈ کنگ یا که جوڑ کنگ إبیت.
منی خیالا آ چیز هورکاری إنت. تپاکی إنت. هوری ءُ مچی إنت. یکا دگرا برداشت کنگ إنت.هور کاری هیئل کنگ إنت. همشانءِ تها قومءِ وژهالی إنت.أگر منی ءُ تئی دل سپا إنت، گڈا په راجی حقان جهد کنگءِ واستا پر چے چه إتحادءُ هورکاریءَ چم جنین؟.
روشن خیالین براتان، واجهان ءُ خاتونین گوهاران!
بلوچ راجءِ نزوری و کم کاریءِ سبب باز أنت. من دو نمونه شمے خدمتا پیش کنان:
یکے بلوچءِ جندءِ توکی دژمن أنت. دومی بلوچ راج و بلوچستانءِ ڈنی دژمن أنت. إیشانءِ هم باز بهر أنت. آ که ڈنی دژمن أنت زانگ بنت که کے أنت.
بلے إے گپ زانتگ نه بیت که راجءِ توکی دژمن کے أنت. آ وتا بلوچ قومءِ دوزواه زان أنت، هر وهدا همےجهدا أنت که بلوچ قومءِ سرمچار ءُ خـئیر لوٹوکان در به گیئج أنت.
إے هردوئین، بلوچ راجے إتحاد ءُ تپاکیءِ کوکارا گون إیرانءِ رسترین سپاهیگ و وزارت طلاعات (إنتلجنس سرویس)ءِ همکاریءَ نیست ءُ نابود کنگا واهوک أنت .
إے رسترین حکومتا هنچین دمے یا تِلِزمے یاد إنت که چیتک و کوکارکنگا هم نه هِلـّیت. چیتک جنوکانءِ دپا هنچوش بند کنت که دگه برے آ هچبر نژگے جت مکن أنت. جی هو! رسترانءِ تلزم کلاشِنکوف أنت، پاهو أنت، بندیگ جاه أنتءُ هنچوش إعتیاد (ڈرگ) إنت.
إیرانءِ گوستگینءُ هنوگین واکدارانءِ مدامی کوشست همے بوتگ که آ بلوچ راجءَ گار و آییءِ ملک ءَ نیست و نابود به کنت. قومی شعورءُ زانت، راجی و دود ربیدگی سرپدی، ءُ بلوچی زبانءِ پدان گار به کنت. تا بلوچ همے گپا بے خیال به کن أنت که آ وت یک راجی أنت که یک زمانگےءَ آ وت یک ملکے ءِ واهند بوتگ أنت.
نون إے چنت سوال أنت که په إیشانءِ حل کنگا من لوٹان بلوچ راجءِ راجی تنظیم، پارٹی، بلوچ دانشورءُ زانتکار په دل سِتک جهد و کوشست به کن أنت.
* کجام بلوچ تنظیم إنت یا که بلوچ إنت که آ بلوچستانءِ بے وسی ءِ حالا سرپد نه إنت؟
* کجام بلوچ تنظیم إنت یا که بلوچ إنت که آ بلوچ راجءِ أڑ و جنجالانءِ حالا سهیگ نه إنت؟
* کجام بلوچ تنظیم إنت یا که بلوچ إنت که آ بلوچستانءِ حقانءِ پاد مال بوئگے حالا سرپد نه إنت
* بلوچ راجءِ حقان کئے پادمال کنگا إنت؟
*إے پهکین نابرابریانءِ گارکنگءِ راه چے أنت؛ چون به کنین که إے زورانسریانءِ دیم دارگ به بیت!؟
من هنچوش سرپد بان که گوستگین ۳۰ سالانءِ جهدءِ مزنین تجربه په ما بلوچ راجءِ سیاسی و دودربیدگی تنظیم، و پارٹیان بس إنت. سیاست گون کنّـَت، زدءُ کینگ نه بیت. سیاست گون منطق،هورکاریءُ إتحاد دیما رئوت. هنوگین جاوران بلوچانءِ إتحاد و هورکاری چه هر چیزا واجبتر إنت؛ مهمتر إنت.
بلوچان گشتگ که گون یک دستی چاپ جنگ نه بیت. واجهان منی واستا فرق نه کنت که گُربگ إسپیتےِ به بیت یا که سیاهے. بس موشکا گپت به کنت. آ إمپریالیست به بیت یا سوسیالیست به بیت. آ ملک که بلوچ راجا یک قومے به منیت ما آئیا حمایت به کنین ءُ چه آئیا مدت به لوٹین.
چه بلوچستانءِ دانشورءُ راجی تنظیمان دزبندی کنان که متحد نه بیئگے بیماریءَ چه وتی مجگان دربه کن أنت ءُ بزان أنت که کار گون خبر شر نه بنت، عمل هم لوٹیت. به چار إت کئے عمل کنت؟
پدا، یک پدے دگه چه شما که راجی مسئله ءُ جنزے سرا همخیال إت و زاتی مفادانی سرا راجی مفادان ترجیح دے إت؛ دسبندی کنان که دور چه هر وڑین تنگ نظریءَ إے کسانین أڑ و جنجالانءِ پَتـّرا به پیچ إت، و یک کرا إیر کن إت ءُ إیرانءِ إسلامی جمهوری رجیمءِ ظالم، خون وار ءُ رسترین حکومتءِ خلافا وتی جهدءِ کاروانا همراه به بے إت.
مدتانی مدت إنت که تئی ماتءُ منی مات، تئی پِت ءُ منی پِت، تئی گوهار ءُ منی گوهار، ءُ تئی چُک ءُ منی چُک؛ پهک سوگی أنت، بی واب ءُ بی آرام أنت.ءُ ظلمانءِ دیمپان أنت.نون منی ءُ تئی باریگ إنت که إے ظالمانءِ وابا چه اوانءِ چمان به برین. بیا إت یک جاه بیین. تپاکی ءُ هوری ءِ بیرقا گون دوئین دستان چست کنین.
راجانءِ تاریخ إیشی پیئش داشتگءُ ثابت کتگ که تپاکی ءُ هورکاری آجوئیءِ مستاگ إنت. بلوچستانءِ راجی مسئله ءِ راه حل ءُ بلوچانءِ حقوق ءِ گرگءِ مادنین کِشک گون تپاکــــــــــی ءُهورکاری دربرگ بیت کنت.
اُمید إنت که دیمی سالا مان بلوچستانءَ ما هوریءَ جشن بگرین.
نبشتانکا گون ملا فاضلءِ إے گالا سرجم کنان. آ گُشیت:
ده برات إت واجه گر سُستی کنت رَد اِنت
ناتپاکیءِ وَنده ءَ چے کَٹ ءُ نپ اِنت
بلوچستان سبزبات
بلوچءِ گوانک
Source: http://nohan.blogfa.com/post-280.aspx
سال 2008 په بلوچان پیسری سالانءِ پیما سیاهین سالے أت. إے سال گون بازین اڑءُ جنجالان گوَست.
مروچی إے خبر چه کسا چیر نه إنت که بلوچءِ تاریخ، زبان ءُ دود ربیدگ؛ بلوچءِ وجود، حیثیتءُ آبرو گون وڑ وڑین جاوران دیم په دیم إنت.
گوستگین سالا صدانءِ حسابا بلوچ إیرانءِ إسلامی رژیمءِ خونوار و إنصاف دشمنین حکومتی واکانءِ دستا شهید بوت أنت و بازین مات و پت چه وتی چُک، بازین چُک چه وتی پت ءُ مات زبهر کنگ بوت أنت.
تا جاهے که من پٹ ءُ پول کتگ بلوچستانءِ راجی تاریخءَ هچ چشین ظلم زور، کشت کوش و پروشت پرؤش نیاتکگ که إیرانءِ هنوگین رسترینِ حکومت بزگین راجءِ سرا آرگا إنت.
أفسوز و هزار أرمان که أنگت هزارانءِ حسابا مان سیاه تهارین بندیگ جاهان بندیگ أنت و گون پاهوءَ دیم په دیم أنت.
بلوچستانءِ هر کنڈا آس جمبور إنت. چه بلوچستانءِ نوکین نسلءُ اوبادگا گپتگ تا ملا ء ُ هامان هر روچ لٹ کٹ ءُ نه کتگین کاران په زور منینگا پد مان وتی بیمناکین بندیگ جاهان بندیگ ءُ پاهو دیگا أنت.
قومےءِ پجار سئے چیز أنت ، زبان، دود ربیدگءُ سرزمین. بلوچ راج چه إے هر سئین چیزان زبهر إنت. بزان راجی نابرابری، دود ربیدگی نابرابریءُ هنچوش إجتماعیءُ گزرانی نابرابری.
بلوچستانءِ حق ءُ بلوچستانءِ راجی جنزءِ مسئلوانءِ باروا مان بلوچی تنظیمانءِ ویب تاکان ءُ مراگشان بازین گپ بوئگا إنت. بلے بلوچان راست گوشتگ که په هلوا هلوا کنگ دپ شیرکن نه بیت.
أگر په دل لوٹ إت که گون هلوا دپان شیرکن به کن إت گڈا پدگیری ألمی إنت. ضروری إنت که ما گرءُ لانچ، ءُ تچ تاچ به کنین. هما چیزان پد به جینن که هلوا چه آهان أڈ کنگ یا که جوڑ کنگ إبیت.
منی خیالا آ چیز هورکاری إنت. تپاکی إنت. هوری ءُ مچی إنت. یکا دگرا برداشت کنگ إنت.هور کاری هیئل کنگ إنت. همشانءِ تها قومءِ وژهالی إنت.أگر منی ءُ تئی دل سپا إنت، گڈا په راجی حقان جهد کنگءِ واستا پر چے چه إتحادءُ هورکاریءَ چم جنین؟.
روشن خیالین براتان، واجهان ءُ خاتونین گوهاران!
بلوچ راجءِ نزوری و کم کاریءِ سبب باز أنت. من دو نمونه شمے خدمتا پیش کنان:
یکے بلوچءِ جندءِ توکی دژمن أنت. دومی بلوچ راج و بلوچستانءِ ڈنی دژمن أنت. إیشانءِ هم باز بهر أنت. آ که ڈنی دژمن أنت زانگ بنت که کے أنت.
بلے إے گپ زانتگ نه بیت که راجءِ توکی دژمن کے أنت. آ وتا بلوچ قومءِ دوزواه زان أنت، هر وهدا همےجهدا أنت که بلوچ قومءِ سرمچار ءُ خـئیر لوٹوکان در به گیئج أنت.
إے هردوئین، بلوچ راجے إتحاد ءُ تپاکیءِ کوکارا گون إیرانءِ رسترین سپاهیگ و وزارت طلاعات (إنتلجنس سرویس)ءِ همکاریءَ نیست ءُ نابود کنگا واهوک أنت .
إے رسترین حکومتا هنچین دمے یا تِلِزمے یاد إنت که چیتک و کوکارکنگا هم نه هِلـّیت. چیتک جنوکانءِ دپا هنچوش بند کنت که دگه برے آ هچبر نژگے جت مکن أنت. جی هو! رسترانءِ تلزم کلاشِنکوف أنت، پاهو أنت، بندیگ جاه أنتءُ هنچوش إعتیاد (ڈرگ) إنت.
إیرانءِ گوستگینءُ هنوگین واکدارانءِ مدامی کوشست همے بوتگ که آ بلوچ راجءَ گار و آییءِ ملک ءَ نیست و نابود به کنت. قومی شعورءُ زانت، راجی و دود ربیدگی سرپدی، ءُ بلوچی زبانءِ پدان گار به کنت. تا بلوچ همے گپا بے خیال به کن أنت که آ وت یک راجی أنت که یک زمانگےءَ آ وت یک ملکے ءِ واهند بوتگ أنت.
نون إے چنت سوال أنت که په إیشانءِ حل کنگا من لوٹان بلوچ راجءِ راجی تنظیم، پارٹی، بلوچ دانشورءُ زانتکار په دل سِتک جهد و کوشست به کن أنت.
* کجام بلوچ تنظیم إنت یا که بلوچ إنت که آ بلوچستانءِ بے وسی ءِ حالا سرپد نه إنت؟
* کجام بلوچ تنظیم إنت یا که بلوچ إنت که آ بلوچ راجءِ أڑ و جنجالانءِ حالا سهیگ نه إنت؟
* کجام بلوچ تنظیم إنت یا که بلوچ إنت که آ بلوچستانءِ حقانءِ پاد مال بوئگے حالا سرپد نه إنت
* بلوچ راجءِ حقان کئے پادمال کنگا إنت؟
*إے پهکین نابرابریانءِ گارکنگءِ راه چے أنت؛ چون به کنین که إے زورانسریانءِ دیم دارگ به بیت!؟
من هنچوش سرپد بان که گوستگین ۳۰ سالانءِ جهدءِ مزنین تجربه په ما بلوچ راجءِ سیاسی و دودربیدگی تنظیم، و پارٹیان بس إنت. سیاست گون کنّـَت، زدءُ کینگ نه بیت. سیاست گون منطق،هورکاریءُ إتحاد دیما رئوت. هنوگین جاوران بلوچانءِ إتحاد و هورکاری چه هر چیزا واجبتر إنت؛ مهمتر إنت.
بلوچان گشتگ که گون یک دستی چاپ جنگ نه بیت. واجهان منی واستا فرق نه کنت که گُربگ إسپیتےِ به بیت یا که سیاهے. بس موشکا گپت به کنت. آ إمپریالیست به بیت یا سوسیالیست به بیت. آ ملک که بلوچ راجا یک قومے به منیت ما آئیا حمایت به کنین ءُ چه آئیا مدت به لوٹین.
چه بلوچستانءِ دانشورءُ راجی تنظیمان دزبندی کنان که متحد نه بیئگے بیماریءَ چه وتی مجگان دربه کن أنت ءُ بزان أنت که کار گون خبر شر نه بنت، عمل هم لوٹیت. به چار إت کئے عمل کنت؟
پدا، یک پدے دگه چه شما که راجی مسئله ءُ جنزے سرا همخیال إت و زاتی مفادانی سرا راجی مفادان ترجیح دے إت؛ دسبندی کنان که دور چه هر وڑین تنگ نظریءَ إے کسانین أڑ و جنجالانءِ پَتـّرا به پیچ إت، و یک کرا إیر کن إت ءُ إیرانءِ إسلامی جمهوری رجیمءِ ظالم، خون وار ءُ رسترین حکومتءِ خلافا وتی جهدءِ کاروانا همراه به بے إت.
مدتانی مدت إنت که تئی ماتءُ منی مات، تئی پِت ءُ منی پِت، تئی گوهار ءُ منی گوهار، ءُ تئی چُک ءُ منی چُک؛ پهک سوگی أنت، بی واب ءُ بی آرام أنت.ءُ ظلمانءِ دیمپان أنت.نون منی ءُ تئی باریگ إنت که إے ظالمانءِ وابا چه اوانءِ چمان به برین. بیا إت یک جاه بیین. تپاکی ءُ هوری ءِ بیرقا گون دوئین دستان چست کنین.
راجانءِ تاریخ إیشی پیئش داشتگءُ ثابت کتگ که تپاکی ءُ هورکاری آجوئیءِ مستاگ إنت. بلوچستانءِ راجی مسئله ءِ راه حل ءُ بلوچانءِ حقوق ءِ گرگءِ مادنین کِشک گون تپاکــــــــــی ءُهورکاری دربرگ بیت کنت.
اُمید إنت که دیمی سالا مان بلوچستانءَ ما هوریءَ جشن بگرین.
نبشتانکا گون ملا فاضلءِ إے گالا سرجم کنان. آ گُشیت:
ده برات إت واجه گر سُستی کنت رَد اِنت
ناتپاکیءِ وَنده ءَ چے کَٹ ءُ نپ اِنت
بلوچستان سبزبات
بلوچءِ گوانک
Source: http://nohan.blogfa.com/post-280.aspx
هیچ نظری موجود نیست:
ارسال یک نظر
وتی کلوا چێرا نبیس إت